سنوونێ…ژبەر پەكەكێ ئێك خێزانا ئاوارە ژى نە ڤەگەریایە دەڤەرێ
باسنيوز:
رێڤەبەرێ ناحیا سنوونێ، دیاركر: “پشتی روودانێن 3/3/2017 ئەو ئالوزیێن پەكەكێ ل خانەسۆرێ دروستكرین، هەتا نۆكە ئێك خێزانا ئاوارە ژی نە ڤەگەریایە دەڤەرا سنوونێ ژ بەر مەترسیێن پەكەكێ”.
نایف سەیدو، رێڤەبەرێ ناحیا سنوونێ، بۆ(باسنیوز) دیاركر:” بەری پەكەكە ل خانەسۆرێ ئاریشە دروست بكەت رۆژانە هەژمارەكا خێزانان ڤەدگەریاینە سەر مال وحالێ خوە لێ پشتی روودانێن خانەسۆرێ هەتا نۆكە ئێك خێزان ژی نەڤەگەریایە دەڤەرێ چونكو پەكەكێ ترس بۆ وەلاتیان دروستكر. ئەو خێزانێن ڤەگەریان ژی جارەكا دی مال وحالێ خوە ل خانەسۆرێبجه هێلاینە وئاوارە بوونە چیا و گوند و كۆمەلگەهێن سەر سنوونێ”.
خۆیا ژی كر: “بەرهەڤی دهاتنە كرن پشتی پرۆسەیا خاندنێ دووماهی بهێت ئاوارەیێن سنوونێ ڤەگەرنە دەڤەرێ لێ پەكەكێ نەهێلا. نۆكە چوو ئاوارە بەرهەڤ نینن ژبەر پەكەكێ ڤەگەرنە دەڤەرێ”.
نایف سەیدو، گۆت: “ل سنوونێ رەوش گەلەك ئارامە دبن كۆنترۆلا پێشمەرگەی كوردستانێ و دەزگەهێن ئەمنی یێن هەرێما كوردستانێ دایە. خەلك كارێ خوە یێ رۆژانە ئەنجام دەن، هیچ مەترسیەك ل سنوونێ نینە بتنێ ل خانەسۆرێ پەكەكێ دەست دانایە سەر هەموو تشتەكێ ومەترسی ل سەر ژیانا خەلكێ دروستكریە”.
تُتاح هذه الصورة أيضا في: کوردی