جڤاتا وهزیران: كارێ دهستپێكی یێ حكومهتێ خزمهتكرنا مالباتێن ئهنفالكرییانه
WAAR-دهۆك:
جڤاتا وهزیرێن ههرێما كوردستانێ راگههاند؛ كارێ دهستپێكی یێ حكومهتێ، خزمهتكرنا مالباتێن شههید و ئهنفالكری و دیتنا رۆفاتێن وانه.
جڤاتا وهزیرێن ههرێما كوردستانێ، راگههاندنهك ل دۆر دهربازبوونا 29 سالان ل سهر ئهنفالێن دژی گهلێ كورد بهلاڤكر و تێدا دیاركر كو كارێ دهستپێكی یێ حكومهتێ، خزمهتكرنا مالباتێن شههید و ئهنفالكری و دیتنا رۆفاتێن وانه و رهخنهیێن دژوار ژی ل حكومهتا ئیراقێ گرتن كو نهشیایه د ئاستێ بهرپرسیاریێ دابیت و قهرهبوویا كهسوكارێن ئهنفالكرییان بكهت.
دا زانین ژی كو د دهمهكی دا ئهڤ بیرهوهریه دهێته ساخكرن كو گهلێ كورد ل ههمبهر ههوهكادی یا ئهنفالان راوهستایه كو ههوا داعشێ یه و ب شاهداییا ههموو جیهانێ، پێشمهرگهی ب قارهمانییا خوه، سهروهریهكا دیرۆكی یا مهزن تۆماركر.
جڤاتا وهزیران ئاماژهكرییه كو داعشێ ههمان مهرهما بهعسیا بۆ ژناڤبرنا گهلێ كورد ههبوو، لێ لبن ناڤهكێ دی، شنگال و كوردێن ئێزدی و پێكهاتهیێن دی كرنه ئارمانج، لێ داوی جار هێزێن پێشمهرگهی ب هاریكارییا ههڤپهیمانان، ژبلی كوشتن و سهرشوریێ، چو تشتهكێ دی بۆ تیرۆرستان نههێلا.
تُتاح هذه الصورة أيضا في: کوردی