نەتەوێن ئێکگرتی: ل مەها نیسانێ ٧٢٠ کەس ل عێراقێ هاتنە کوشتن و بریندارکرن
ئێن ئارتى
نەتەوێن ئێکگرتی راگەهاند، ژبەر کارێن توندوتیژی ل مەها نیسانا رابهوری، ٣١٧ وەلاتیێن مەدەنی د ریدانێن جودا جودا ل عێراقێ هاتنە کوشتن و برینداربوون.
نوێنەرایەتیا نەتەوێن ئێکگرتی ل عیراقێ ( یۆنامی) ل راپۆرتا خوە یا مەهانە ئاماژە ب وێ ئێکێ کریە کو ل مەها نیسانا رابهوری ژبەر کریارێن توندوتیژی و شەرپێکدەدانان ل دەڤەرێن جوداجودایێن عێراقێ ، ٣١٧ وەلاتیێن مەدەنی هاتنە کوشتن و ٤٠٣ کەسێن دی ژی برینداربوون.
ئاماژە ب وێ ئێکێ ژی هاتیە کرن کو پارێزگەها نەینەوا خوێناوترین مەهـ دەرباز کر ب رەنگەکی ژوێ هژمارێ ١٢٣ کەس ل نەینەوا هاتنە کوشتن.
بەحسێ وێ ئێکێ ژی هاتیە کرن کو ژبەر تەقینان ل مەها رابهوری ل بەغدا ٥٥ وەلاتیێن مەدەنی هاتنە کوشتن.
ل هەمبەرکرن دگەل مەها ئادارا رابهوری، رێژەیا کوشتنا ولاتیێن مەدەنی ل عێراقێ کێمبویە لگۆری وێ ئێکێ ل مەها ئادارێ ٥٥٠ وەلاتیێن مەدەنی هاتبوونە کوشتن.
ئەڤە ژی د دەمەکی دایە هێزێن هەڤپەیمانێن ناڤدەولەتی د راپۆرەکێ دا ئاماژە ب وێ ئێکێ کریە کو ل دەسپێکا بۆردومانێن هێزێنوان بۆ سەر داعشێ ب سەرۆکاتیا ئەمریکا ل ئابا سالا ٢٠١٤ێ، هەیا نها ٣٥٢ وەلاتیێن مەدەنی ل عێراقێ و سوریا هاتنە کوشتن.
ز.ح
تُتاح هذه الصورة أيضا في: کوردی