قاسم دەربۆ: چەکدارکرنا کچان دژی داب ونەریتێن کوردێن ئێزدییە پەکەکە ئەنجام دەت
باسنيوز:
بەرپرسێ ئوپەراسیۆنێن پێشمەرگەی ل فەرماندا شنگال یا پێشمەرگەی کوردستانێ، دیارکر کو پارتا کرێکارێن کوردستانێ ل شنگال بەروڤاژی داب ونەریتێن کوردین ئێزدی کار دکەت و ھیچ رێز ل داب ونەریتێن ئێزدیان ناھێتە گرتن ئەڤە یەکی خەلکێ شنگال دلگران کرینە بتایبەتی ژێ چەکدارکرنا کچان ل چیایی دژی داب ونەریتێن کوردێن ئێزدییە.
قاسم دەربۆ، بەرپرسێ ئوپەراسیۆنێن پێشمەرگەی ل فەرماندا شنگال یا پێشمەرگەی کوردستانێ، بۆ (باسنیوز) دیارکر: “رۆژانا کچ و خورتێن ئێزدیان پەکەکێ دھێلن و دبنە پێشمەرگەی نوکە ژی پارتا کرێکارێن کوردستانێ سەردەریا خوە دگەل وان کەسین ئێزدی توند و دژوارکرینە یێن بووینە چەکدارین وان ورێگری ل وان دکەن بۆ وی یەکی ئەو گەنج و خورت نەشین پەکەکێ بھێلن لێ شنگالیان باش زانی پەکەکێ بەرژوەندیا دەڤەری نەڤیت بتنی بۆ مەرەمێن خوە سیاسی کاردکەت ژبەر ڤێ ژی ئێزدی پەکەکێ دھێلن”.
خۆیا ژی کر: “داب ونەریتێن کوردێن ئێزدی رێ نادەن کچ وخوشێکین مە بمینن ل چیا دوور ژ مالباتێن خوە ئەڤە پەکەکە دکەت دژی داب ونەرێتێن کوردێن ئێزدی یە نوکە کەس قبول ناکەت کچ وخوشکێن وێ بتنی دوو ژ مالا بمینت”.
تُتاح هذه الصورة أيضا في: کوردی