بنگەهێ لالش بنگەهێ ساخلەمیێ ل خانەسۆرێ خەلاتكر
تۆرا لالش یا راگەهاندنێ
دوهى شەمبوویێ،بەرێز”شێخ شامۆ”سەرۆكێ دەستەیا بلندا بنگەهێ لالش بنگەهێ ساخلەمیێ ل خانەسۆرێ خەلاتكر.
وەك رێزگرتن بۆ پێكۆلێن بەرێزان”بەرەكات حاجو”رێڤەبەرێ بنگەهێ چاڤدێریا ساخلەمیا دەستپێكی ل خانەسۆرێ و پەرستار “ماهر قاسو”كارمەندێ بنگەهێ ناڤبری و هەڤالێن دگەل دا دكارێ وان دا دبیاڤێ ساخلەمی و مرۆڤایەتیێ دا ل درێژاهیا سالان دا و ب تایبەت ل هەوا سالانەیا بێ بەرامبەر یا سوونەتكرنا زارۆكان ب هەماهەنگی دگەل بنگەهێ لالش تایێ سنوونێ و نڤیسینگەهێن ب سەرڤە،ئەو هەوا یاكو دكتۆرێ”خدر حەمو”دەستپێكری و بەردەوامبووی بۆ چەند سالێن دووڤ ئێك دا هەتا سالا 2015ێ وی دەمی خەلكێ مە یێ ئاوارەبوو،دیسان وەك بەرنامەكێ دیاركری ژبال بەرێز”شێخ شامۆ ” ب شێوەیەكێ سالانە پشتی داوی هاتنا هەوێ كەسێن پێ رادبن دئێن خەلاتكرن،ئیرۆ هەردوو بەرێزان ژبال سەرۆكێ دەستەیا بلندا بنگەهێ لالش و بنگەهێ لالش تایێ سنوونێ ڤە هاتن خەلاتكرن و شێخی سوپاسیێن خۆ ئاراستە كرن بۆ پێكۆلێن وان بۆ خزمەتكرنا جڤاكی دزەحمەترین كاودانان دا ژپێش دەستەیا بلند و بنگەهێ لالش تایێ سنوونێ و نڤیسینگەهێن ب سەرڤە.
ژئالیێ خۆ ڤە رێزلێنانێن خۆ پێشكێشی جەنابێ شێخی و دەستەكێن كارگێری یێن بنگەهێ لالش تایێ سنوونێ و نڤیسینگەهێن ب سەرڤە كرن،دیسان رۆلێ مەزن یێ ژمارەكا مامۆستایان پێ رابووین و ب تایبەت”حازم كچو”ئەندامێ دەستەیا بلند و “مەحمود ئەلبرغشی”ئەندامێ دەستەكا كارگێری یا نڤیسینگەها لالش گرعزێر.
تُتاح هذه الصورة أيضا في: کوردی