سهرۆكێ ههرێما كوردستانێ و شاهێ ئوردنێ كۆم بوون
WAAR-دهۆك:
سهرۆكێ ههرێما كوردستانێ گههشته ئۆردنێ و لگهل شاهێ وی وهلاتی كۆمبوو، ههردو ئالیان پێداگری ل سهر ههماههنگییا زێدهتر د بیاڤێن ئابۆری و وهبهرهێنانێ دا كر.
سایتێ دیوانا مهلهكی یا ئۆردنێ بهلاڤكر: شاهـ عهبدوللا یێ دوێ پێشوازی ل مهسعوود بارزانی سهرۆكێ ههرێما كوردستانێ كر و د كۆمبوونێ دا ههردو ئالیان پێداگری ل سهر بهرژوهندێن ههڤپشك كر و داویی پێشهاتێن شهرێ دژی رێكخستنا داعشێ گۆتوبێژ كرن.
زێدهتر ژی بهلاڤكر: شاهـ عهبدوللایی و بارزانی بهحسێ پهیوهندیێن ئوردنێ و ههرێما كوردستانێ كر و چهوانیا پێشخستنا وان پهیوهندییان، ب تایبهتی ل بیاڤێن ئابۆری و وهبهرهێنانێ كو تهوهرهكێ سهرهكی یێ كۆمبوونا ههردو ئالیان بوو.
سایتێ دیوانا مهلهكی یا ئۆردنێ ئاشكهرا ژی كر: بارزانی ههلویستێن ئۆردنێ ب گرنگ نرخاندن و هیڤیخواستن پهیوهندیێن ههرێمێ ل گهل ئوردنێ د بیاڤێن جودا دا وهرارێ بكهن.
تێ زانین سهرۆكێ ههرێما كوردستانێ ب مهرهما پشكداریێ د كۆربهندا ئابووری یێ جیهانی ل دهریایا مری سهرهدانا ئوردنێ كریه.
تُتاح هذه الصورة أيضا في: کوردی