هیندستان..ژبه‌ر گه‌رمێ 167 كه‌سا گيانێ خۆ ژ ده‌ست دا
رووداو – تەلانگانا
له ویلایه‌تی ته‌لانگانای هیندستان، به‌هۆی به‌رزی پله‌ی گه‌رماوه كه له 1ی نیسانه‌وه تاکو ئێستا به‌رده‌وامه، 167 كه‌س گیانیان له‌ده‌ستداوه.
میدیاکانی هیندستان، به پشت به‌ستن به زانیاریی به‌رپرسی به‌ڕێوه‌به‌رایه‌تی کارەساتی سرووشتیی ته‌لانگانا، بڵاویانكردووه‌ته‌وه كه له زۆر شوێنی ویلایه‌ته‌كه به‌هۆی به‌رزی پله‌ی گه‌رماوه كه له‌م ڕۆژانه‌ی دواییدا گه‌یشتووه‌ته 40 پله‌ی سیلیزی، 167 كه‌س گیانیان له‌ده‌ستداوه.
ئاماژه به‌وه‌ش كراوه كه پله‌ی گه‌رما له ناوچه‌كانی بەهادور ئیجالام، راماگوندام و نالگۆندا گه‌یشتووه‌ته 46 پله‌ی سیلیزی.
به‌پێی كه‌شناسی ناوچه‌كه، شه‌پۆلی گه‌رما له هه‌ندێک ناوچه‌ی ته‌لانگانا به‌رده‌وام ده‌بێت و لە گەرماوەرزی تەممووز و ئاب ئەگەری گەیشتنی بۆ 56 پلەی سیلیزی هەیە.
تُتاح هذه الصورة أيضا في: کوردی