قەرەبالغترین بالەفرخانەیێن جیهانێ د سالا ٢٠١٧ێدا هاتنە دیارکرن
ئێن ئارتى:
ل سالا ٢٠١٧ێ بالەفرخانەیا هارتسفێلید جاکسون ل ویلایەتا جۆرجیا یا ئەمریکا ب قەربالغترین بالەفرخانەیا جیهانێ هاتە دیارکرن.
لگۆری ڕاپۆرتەکا کەنالێ سی ئێن ئێن یا ئەمریکا، ل سالا ٢٠١٧ێ بالەفرخانەیا هارتسفێلید جاکسون ل باژێرێ ئاتلانتا ل ویلایەتا جۆرجیا یا نەتەوەیێن ئێکگرتى ب قەربالغترین بالەفرخانەیا جیهانێ هاتە دیارکرن، کو ١٠٣ ملیۆن گەشتیاران سەرەدانا وێ کربوو، پشتى وێ ژى بالەفرخانەیا پەکین ل چینێ ب ٩٥ ملیۆن گەشتیار و بالەفرخانەیا دوبەی ب ٨٨ ملیۆن گەشتیاران ب پلەیا دوویەم هەیا سێیەم دهێن.
هەر د وێ ئامارێدا هاتیە، بالەفرخانەیا تۆکیۆ ل ژاپۆن و بالەفرخانەیا لۆس ئەنجلوس و شیکاگۆ ل ویلایەتێن یەکگرتیێن ئەمریکا ل رێزبەندیا چارێ هەیا شەشێ تێن.
هەڤدەم ل پلەیا حەفتێ یا رێزبەندیێدا، بالەفرخانەیا هیترۆ ل لەندەن و رێزبەندییا شارل ل پاریس یا پایتەختێ فرەنسا دهێنە دیتن.
هەر ل د وێ ئامارێدا، هەردوو بالەفرخانەیا دوبەی ل ئیمارات و دەوحە ل قەتەر ب قەربالغترین بالەفرخانەیا ڕۆژهەلاتا ناڤەراست هاتنە دیارکرن.
تُتاح هذه الصورة أيضا في: کوردی