پرانیا جاران خێزان سەرەدەریەكا شاش دگەل زارۆكێن نەخۆشیا ئوتیزمێ هەی دكن
دەنگێ لالش،جوان بەرواری 
نەخۆشیا ئوتیزمێ دئێتە هژمارتن ئێك ژ حالەتێن هەی ل جەم وان زارۆكان نكارن دگەل زارۆكەكێ نورمال یێ ل تەمەنێ خۆ پەیوەندیێ دورست بكن،دیسان پرانیا جاران خێزان نزانت دێ چاوان سەرەدەریێ دگەل كت ئەڤە ژی ئێكەم شاشیە ل هەمبەر وان دئێتە بكارئینان،بسپۆرەكی ڤێ نەخۆشیێ ژی دبێژت:دڤێت خێزانێ رۆلەكێ باش هەبت د دارێژتنا پلانان دا ژبۆ ڤی زارۆكان.
(روندك)مامۆستایەك خودان زارۆیەكێ مەنگولی یە دبێژت:ئوتیزم دئێتە هژمارتن ئێك ژ حالەتێن وەسا كو ئەم دكارن بێژین (پاشڤە) مای یا لجەم هەی و نكارت دگەل زارۆكەكێ نورمال یێ ل تەمەنێ خۆ پەیوەندیێ دورست كت و ناڤەرۆكا وێ وەكی حالەتەكێ نە دروست دئێتە نیشاندان،ئەڤە ژی ل جەم وان زارۆكان پەیدادبت ئەوێن هزرا وی نەیا دروست بت ونەوەكی وان زارۆكایە ئەوێن نورمال پتریا وان ژی دبێژنێ مەنگولی،ئانكو نەخۆشیا ئوتیزمێ دئێتە نیاسین، سەرەدەریكرنا ڤان زارۆكان وەكی دەردەسەریەكێ یە بۆ خێزانێن وان ،لێ یا پێتڤی گرنگە ئێكەم تشت خێزان باوەریەكێ بۆ چێكت و پاشی رۆژ بۆ رۆژێ هزرا وی دەتە كاری و كار پێ بكت وەكی جولاندنا یاریان ول دووڤ حەزا وان بچت و هاریكاریا وان بكت ب رێیا كارئینانا دەستی بۆ هەركارەكێ پێ دەتەكرن،دیسان یا پێتڤیە ئەو رۆژێ چەند دەمژمێران كاربكت ورۆژانە بۆ ماوەیەكی دەربێخی و ژ تشتێن خراب دووربكەی،لەورا پێتڤی سەرەدەریەكا جودانە.
بسپۆر دبوارێ نەخۆشیا ئوتیزمێ دا د.(ئەحمەد)گۆت:نەخۆشیا ئوتیزمێ پێتڤی ب هەبوونا پرۆگرامێ خوارنێ هەیە كو ل رۆژهەلاتا ئیرانێ هاتە دیاركرن ئێكەم تشت یێ كاریگەریێ دكەتە سەر چارەسەركرنا ڤێ نەخۆشیێ ئەو بوویە خوارنێن شلەمەنی تێدا و پتریا جاران خوارنێن گەنمی باشترین خوارنن بۆ مێشكێ زارۆكی،كو پەیوەندی ب هەستێن زارۆكێ ئوتیزم هەی ،هەروەسان سێ نیشان ل جەم زارۆكێ مەنگولی پەیدابن گەلەك گرنگن ئەوژی تێكچوونا پەیوەندیێن جڤاكی و دانوستاندن و ئارەزویەكا سەمەر ئانكو هیوایەت، دەمێ بینی بەری ئەو زارۆك ببتە سێ سال وئەڤ حالەتە ل جەم هەبوون دێ زانی وی ئوتیزم یا هەی،پرانیا جاران خێزان نزانت دێ چاوان سەرەدەریێ دگەل كەت ئەڤە ژی ئێكەم شاشیە كو ل هەمبەری دئێتە بكارئینان وی دەمی خێزان بخۆ ژی دكەفتە حالەتەكێ نە ئارام دا و زارۆك بخو ژی،حالەتەكێ دی یێ هەی پێتڤیە ئەڤ خوارنا دئێتە خوارن ژلایێ زارۆكی ڤە بێتە پشت راستكرن ژلایێ نۆژداری ڤە و ب هاریكاریا چێكرنا پشكنینا كا چەند زیانێن خۆ هەنە،خالەكا دی دڤێت خێزانێ رۆلەكێ باش هەبت د دارێژتنا پلانان دا ژبۆ ڤی زارۆكی ل سەنتەرێن مەشق و راهێنانێ دا پتر بێنە راهێنانكرن و هەر دمالێ بخۆ دا ژی خێزان دكارت ب هاریكاریا ئەنترنێتی و تۆرێن كۆمەلایەتی ڤی زارۆكی بدەتە كارپێكرن.
تُتاح هذه الصورة أيضا في: کوردی