فڕۆكهیێن توركیا 7 بنگههێن پهكهكێ ل ههرێما كوردستانێ وێران كرن
WAAR-دهۆك:
فڕۆكهیێن شهڕكهرێن توركیا جارهكا دی جهـ و ناڤهندێن پارتییا كاركهرێن كوردستانێ پهكهكێ، ل ههرێما كوردستانێ بۆمبهباران كرن و زیان گههاندنێ.
ل گۆری ئاژانسا ئهنادۆل، فڕۆكهیێن شهڕكهرێن توركیا، جهێن پهكهكێ ل ناوچهیێن ئاڤا شین و باسیان كرینه ئارمانج، ب وێ ئهگهرێ حهفت بنگههێن وان هاتینه ژناڤبرن و سێزده گهریلایان ژی گیانێن خوه ژ دهستداینه.
ژ ئالییهكێ دی ڤه، د هێرشهكا فرۆكهیێن توركیا دا ل سهر گهریلایێن پهكهكێ ل پارێزگهها وانێ ل باكۆرێ كوردستانێ، دههـ گهریلایان گیانێن خوه ژ دهست دان.
پارێزگارێ وانێ د بهیانهكێ دا راگههاند؛ رۆژا بیست و حهفتێ ڤێ مههێ، فرۆكهیێن بێی فرۆكهڤانێن توركیا بنگههێن گهریلایێن پهكهكێ ل دۆلا كۆركولو ل دهڤهرا شاخێ سهر ب وانێ ڤه دهستنیشان كرن، د دووڤ دا فرۆكهیێن ئێف شازده یێن سوپایێ توركیا ئهو جهـ بۆمبهباران كرن.
تُتاح هذه الصورة أيضا في: کوردی