سامانێن سرۆشتی: سكالایا كۆمپانیا دانهغازێ ل دادگههێ نههاتییه بهحسكرن
WAAR-دهۆك:
وهزارهتا سامانێن سرۆشتی یا حكومهتا ههرێما كوردستانێ، روونكرنهك ل سهر دۆسیهیا كۆمپانیا دانهغاز بهلاڤكر و راگههاند؛ تا نها سكالایا وێ كۆمپانیێ ل دادگههێ نههاتییه بهحس كرن، لێ میدیایێن ههرێمێ، زانیاریێن نهدرووست و دوور ژ راستیێ بهلاڤكرینه.
د وێ روونكرنێ دا وهزارهتێ ئاماژهكرییه كو كۆمپانیا دانهغاز ژبهر وان زیانێن ب ئهگهرا پاشخستنا پهرهپێدانا پهترۆلگههان گههشتینێ، سكالایهك ل دژی حكومهتا ههرێمێ تۆماركرییه، لێ تا نها ئهو سكالایه د دادگههێ دا نههاتییه بهحس كرن و هندهك میدیایێن ههرێمێ، ل بن ئهجێندایهكا سیاسی، زانیاریێن نهدروست و دوور ژ راستیێ ل دۆر وێ دۆسیێ بهلاڤكرینه.
حكومهتا ههرێمێ دیار ژی كرییه كو ههر دۆسیهیهكا ل سهر كهرتێ پهترۆلا وێ بهێته ڤهكرن، ئهو دێ ب ههموو رهنگان بهرگریی كهن، ژبهركو كۆمپانیێن پهترۆلێ، د بهرژهوهندییا خوه دا، كاركرن دگهل حكومهتا ههرێمێ ههلبژارتییه.
ئهڤه د دهمهكی دایه كو ژمارهیهكا میدیایێن ناڤخوهیا ههرێمی بهریا نها بهلاڤكربوو كو كۆمپانییا دانهغاز ل ئێك ژ دادگههێن ئهمریكا، سكالایهك ل دژی حكومهتا ههرێمێ تۆماركرییه و داخوازا دوو ملیار دۆلاران ژ ههرێما كوردستانێ كرییه.
تُتاح هذه الصورة أيضا في: کوردی