قاسم دەربۆ: حەشدا شەعبی نەھێلا خەلک قەستا گۆند و کومەلگەھێن خوە بکەن

بەرپرسێ ئوپەراسیۆنێن پێشمەرگەی ل فەرماندا شنگال دیارکرکو ئیڤاریا رۆژا 27/5/2017 پێشمەرگەی کوردستانێ رێک بۆ وەلاتیان ڤەکر بچن قەستا ناڤ گۆند و کومەلگەھێن خوە بکەن ل تل بنات و گوچو و تل قەسەب و دەڤەرێن دێ لێ حەشدا شەعبی رێگری ل وەلاتیان کر نەھێلا بچن.

قاسم دەربۆ، بەرپرسێ ئوپەراسیۆنێن پێشمەرگەی ل فەرماندا شنگال، بۆ (باسنیوز) دیارکر: “پشتی حەشدا شەعبی رازی نەبوو خەلک قەستا مال و مولگێن خوە بکەن ئەم نەچاربووین جارەکا دێ رێکی دابگرن چونکو دووڤ پێزانینان حەشدا شەعبی گەڤ ل وەلاتیان کرینە وناھێلت ورێک نەدایە ھیچ کەسەک قەستا وان دەڤەران بکەت یێن حەشدا شەعبی کونترول کرین بەری چەند رۆژان”.

خۆیا ژی کر: “حەشدا شەعبی چەندین گۆند و کۆمەلگەھێن ئێزدیان کونترول کرینە وەکو تل بنات و تل قەسەب و گوچو و گرزەرک نوکە ژێ حەشدا شەعبی و پەکەکێ بەرەڤ سیبا شێخدر و گرعزیز ڤە چووینە ھاتنا حەشدا شەعبی دێ ئالوزیێن مەزن ل شنگال دروست کەت”.