روودانێن كارەساتا شنگالێ دكەتە هەلبەست
تۆرا لالش یا راگەهاندنێ
هەلبەستڤانێ شنگالێ( حەمید كەمال) یێ بەرنیاس ب(حەمید بابێ هەژار) ئاشكەراكر،هەتا نۆكە وی 35هەلبەست هەنە كو زۆربەیا وان ل سەر ئەڤینیێ نە،لێ پشتی كارەساتا شنگالێ دەست ب نڤیسینا هەلبەستان ل سەر روودانێن شنگالێ كریە،دخواز دكت پشتەڤانی ل هۆزانڤانێن ئێزدی بێتە كرن داكو بكارن نامەیا مللەتێ خۆ بگەهیننە جیهانێ.
(بابێ هەژار)بۆ دەنگێ لالش خویاكر،ل سالا (2010)ێئێكەمین هەلبەستا من نڤیسی ل سەر ئەڤینیێ بوو بناڤێ (ئەز نزانم ژبەر چی ،ئەز دهێم تو ژمن درەڤی) و ئەگەرێ نڤیسینا هەلبەستێ نەخۆشی و ئەڤینیی بوو ،بتنێ ل سەر شێوازێ قۆناغا ئازاد و ب زمانێ كوردی هەلبەستێ دنڤیسم و هەتا نۆكە()35هەلبەست هەنە و زۆربەیا وان ل سەر ئەڤینیێ نە،لێ پشتی رێكخراوا توندرەوا (داعش)دەست ب سەر شنگالێ دا گرتی كەفتمە لبن باندۆریا وێ و ژوێ رۆژێ وەرە یەك هەلبەستا ئەڤینیێ من نەنڤیسیە و هەموو ل سەر روودانێن شنگالێ نە ،ژبەر هەژاریێ نەچوویمە قوتابخانێ،لەوا دەمێ هەلبەستێ دنڤیسم ریكۆرد دكەم و هەردەما من ژبیركر گوهێ خۆ د دەمێ و دئێتە بیرا من،هیڤیا من یا پاشەرۆژێ ئەوە پشتەڤانی و هاریكاریا هەلبەستڤانێن ئێزدی بێتەكرن،داكو بكارن هەلبەستێن خۆ دیكیۆمێنت بكن و نامەیا مللەتێ خۆ بگەهیننە هەموو جیهانێ ب رێیا هەلبەستێ.
پشتی تیرۆرستێن داعشێ دەست ب سەر قەزا شنگالێ دا گرتی،هەلبەستڤان(حەمید بابێ هەژار) ئاوارەی كۆمەلگەها شاریا دبت و نۆكە ل كەمپا شاریا ئاكنجی یە.
تُتاح هذه الصورة أيضا في: کوردی