حەماد ئسماعیل:ب رێیا ئاوازێن بلورێ دێ خزمەتا مللەتێ خۆ كەم
تۆرا لالش یا راگەهاندنێ
بلورڤانێ گەنجێ خەلكێ شنگالێ(حەماد ئسماعیل) د دیدارەكێ دا بۆ رۆژناما دەنگێ لالش راگەهاند،بلۆر نە وەكو بەهرێن دیتر یێن هۆنەری یە هەموو كەس د دەنگێ وێ دگەهن،ب رێیا ئاوازێن بلورێ دێ خزمەتا مللەتێ خۆ كەم.
حەمادی خویاكر،هەر ژ زارۆكینیا خۆ دا من گەلەك حەز ژ بەهرەیێن هۆنەری كریە و ب تایبەت ئامیرێن موزیكێ،هەردەم خێزانا من هاریكار بوو دگەل من دا هەتا كو كاری بەهرەیا خۆ پێشبێخم و بەردەوام بووم لسەر كارێ ژنینا موزیكێ،پشتی ل سالا(3/8/2014)ێ ئەم ژ شنگالێ ئاوارەی هەرێما كوردستانێ بووین و گەلەك خەم و نەخۆشی بسەرێ خەلكێ مەدا هاتین،ل سالا(2016)ێ من دەست بكارێ ژەنینا بلورێ كر ئەو ژی ب هاریكاریا بابێ من بوویە و بەردەوام دناڤ خەلكێ خۆ دا من بلور دژەنی و ل دوڤدا هەموویان پشتەڤانیا من كرن،تەكەزكر ژی من دڤێت خەم و ئازارێن ئێزدیان ب رێیا ژەنینا بلورێ بگەهینمە جیهانێ،لەورا داخوازا من ژ هەموو جیێن شۆلەژێ دەستێ هاریكاری و پشتەڤانیێ درێژ بكن،داكو بكارم خزمەتا مللەتێ خۆ كەم.
گۆتژی ل سالا(2017)ێ پشكداری د بەرنامێ شەیدا دا ل كەنالێ وارتیڤی كر وكاری رێزبەندیا ئێكێ لسەر ئاستێ وی بەرنامەی ب دەستخۆڤە بینم،پشتی ل بەرنامەی دا سەركەفتیم ئەز و بەهرەیا خۆ زێدەتر ل ناڤ خەلكێ دا ناڤداربووین،دیسان من پشكداری دچەندین كلیپا دا كریە ب رێیا ژەنینا بلورێ و هەتا نهۆ ژی لسەر كارێ خۆ بەردەوامم.
تُتاح هذه الصورة أيضا في: کوردی