عیراق.. د دوو تەقینان دا نێزیکی ٣٠ کەسان هاتنە کوشتن
ئێن ئارتى
ئەڤرۆ ئێنیێ دوو تەقینان ل باکوورێ بابل و ناڤەندا باژێرێ کەربەلا رویدا کو د ئەنجامدا نێزیکی ٣٠ کەسان هاتنە کوشتن و برینداربوون.
نووچەگەهانێ ئێن ئاڕ تی عەرەبی ل کەربەلا بەلاڤکر، سپێدەیا ئەڤرۆ ٩ێ حوەزیرانێ خۆکوژەکێ لهەمبەر گەراجێ دەرڤەیێ باژێرێ کەربەلا خوە تەقاند و د ئەنجامدا ٩ کەس هاتنە کوشتن و ١٦ کەسێن دی ژی برینداربوون.
لگۆری زانیاریێن پزیشکی ژی ٣ ژن و دوو زارۆک دناڤا وان کوشتیان دا هەنە.
فەرماندەیێ ئۆپراسیۆنێن ناڤەندا فۆرات ژی بەلاڤکریە “وی خۆکۆژی شیتکەکا بۆمبەکری لبەر خوە کربوو و هەول دایە بچیتە ناڤ گەراجی بەلێ بەری کو بچیتە ناڤ گەراجی خوە تەقاندیە”.
ژلایەکێ دی ڤە نووچەگەهانێ ئێن ئاڕ تی عەرەبی راگەهاند، ل بازارەکێ قەزایا موسەیب ل باکوورێ باژێرێ بابل تەقینەکێ رویدا و د ئەنجامدا ٢٠ کەس هاتنە کوشتن و ٢١ کەسێن دی ژی برینداربوون.
تُتاح هذه الصورة أيضا في: کوردی