پۆلیسێن فیدرالا عێراقێ: ل تاخێ ” شیفا” 13 داعش هاتنه كوشتن و ئێك ژێ به‌رپرسه
خەندان- 
پۆلیسی فیدراڵی عیراق ئەمڕۆ دووشەممە رایگەیاند، پێشڕەوی هێزەكانیان لە گەڕەكی ” شیفا” لەخۆرئاوای موسڵ بەردەوامە، و لە ئاكامی شەڕوپێكادانیان لەگەڵ چەكدارانی داعش لەو ناوچەیە، 13 چەكدار كوژراون كە یەكێكیان پلەی بەرپرسیارێتی هەیە.
فەریق رائد شاكر جەودەت فەرماندەی پۆلیسی فیدراڵی عیراق لەلێدوانێكدا بۆ خەندان ئاماژەی بەوەكرد، ” وەتبان یونس مەحمود مەشهەدانی” یەكێكە لەو بەرپرسانەی داعش لە گەڕەكی “شیفا” كە لەنێو 13 چەكدارە كوژراوەكانی ئەو رێكخراوەدایە.
فەریق جەودەت لەبەشێكی تری لێدوانەكەیدا ئاماژەی بەوەكرد لەئێستادا داعش لەخۆرئاوای موسڵ ناوچەكانی ” شیفا و باب سنجار و فاروق و شاری كۆن كە مزگەوتی نوری لێیە” ، لەژێر كۆنترۆڵدا ماوە.
فەرماندەی پۆلیسی فیدراڵی عیراق ئەوەشی روونكردەوە كە شەڕی خۆرئاوای موسڵ بەپێی ئەو پلانە دەڕوات بەڕێوە كەبۆی داڕێژراوە، و شكستهێنان بە ” دوژمن” تەنها پەیوەستە بەكاتەوە.
رۆژی 17ی تشرینی دووەمی 2016، هێزەكانی پێشمەرگە و سوپای عێراق و بەپشتیوانی هێرشی ئاسمانی هاوپەیمانی نێودەوڵەتی دژ بەداعش بەڕابەرایەتی ویلایەتە یەكگرتووەكانی ئەمەریكا قۆناغی یەكەمی ئۆپەراسیۆنی كۆنترۆڵكردنەوەی موسڵ-یان دەستپێكرد.
دوای تێپەڕبوونی 100 رۆژ بەسەر دەستپێكردنی ئۆپەراسیۆنەكەدا، تەواوی خۆرهەڵاتی موسڵ لەچەكدارانی داعش پاككرایەوە 19ی شوباتی ئەمساڵ، قۆناغی دووەمی ئۆپەراسیۆنی كۆنتڕۆڵكردنی موسڵ دەستیپێكرد.
تُتاح هذه الصورة أيضا في: کوردی