WAAR-دهۆك:

شیره‌تكارێ جڤاتا ئاساییشا هه‌رێما كوردستانێ ل گه‌ل بالیۆزێ بریتانیایێ ل ئیراقێ كۆمبوو، د دیدارێ دا هه‌ردو ئالی ب هه‌ڤرا بوون كو كێشه‌یێن دیرۆكیێ یێن ده‌ڤه‌رێ رێخوه‌شكه‌ر بوون ژ بۆ سه‌رهلدانا هزرا تۆندرێ.
مه‌سروور بارزانی شیره‌تكارێ جڤاتا ئاساییشا هه‌رێمی ئه‌ڤرۆ پێشوازی ل فرانك بایكه‌ر بالیۆزێ بریتانیایێ ل ئیراقێ و كۆنسۆلێ گشتی یێ وی وه‌لاتی ل هه‌رێمێ كر، داوی پێشهاتێن ده‌ڤه‌رێ و پێشڤه‌چوونێن دژی داعشێ گوتوبێژ كرن، د كۆمبوونێ دا هه‌ردو ئالی ل سه‌ر وێ یه‌كێ ب هه‌ڤرا بوون كو كێشه‌یێن دیرۆكیێ یێن ده‌ڤه‌رێ رێخوه‌شكه‌ر بوون ژ بۆ سه‌رهلدانا هزرا تۆندرێ.
هه‌روه‌سا د كۆمبوونێ دا هه‌ردو ئالیان پێداگری ل هه‌ماهه‌نگیا زێده‌تر كر و دانه‌ زانین كو چو پێشهاته‌ك كارتێكرنێ ل سه‌ر هه‌ڤپه‌یمانی و هاریكاریا هه‌ردو ئالیان د شه‌رێ تیرۆرێ دا ناكه‌ت.