WAAR-دهۆك:

سەرۆکوەزیرێن ئیراقێ داخوازا پەیوەندییان ل سەر بنەمایێ رێزگرتنێ ل سەروەریێ ژ وەلاتێن دەردۆر کر و راگەھاند؛ ئیراق نابیتە پشکەک ژ چو ھەڤڕکیێن ھەرێمی.

حەیدەر عەبادی، بۆ کەنالێ عێراقییە گۆت: سەرەدانا وی بۆ ژمارەیەکا وەلاتێن کەنداڤی ب ئارمانجا بھێزکرنا پەیوەندیێن ھەڤپشکە، بەغدا دخوازیت پەیوەندی دگەل ھەموو وەلاتان ھەبن، ب مەرجێ ل سەر بنەمایێ رێزگرتن ل سەروەرییا ھەڤدو بیت.

عەبادی گۆت ژی: بەغدا نابیتە پشکەک ژ ھەڤڕکیێن چو وەلاتان و پشتی ب تەمامی ژناڤچوونا داعشێ، حکومەتا ئیراقێ دێ دوپاتیێ ل سەر پاراستنا ھەموو سنۆرێن خوە کەت.