WAAR-دهۆك:

بەرپرسێ فەرمانگەھا پەیوەندیێن دەرڤە یێن حکومەتا ھەرێمێ داخواز ژ بەغدایێ کر، رێزێ ل ئیرادەیا خەلکێ کوردستانێ بگریت و دوپاتکر ریفراندۆم چارەیا ئێکانەیە بۆ کێشەیان.
فەلاح مستەفا د ھەڤدیتنەکێ دا دگەل ئاژانسا سپۆتنیکێ دا بەحسا پروسەیا ئەنجامدانا ریفراندۆمێ کر و گۆت: پرسا ریفراندۆما سەرخوەبوونا کوردستانێ چارەیا ئێکانەیە، ئیراقێ و کوردستانێ ژ کێشە و ئالۆزییان دووربێخیت، دوپات ژی کر، کو ھەرێم دخوازیت دانوستاندنێن جددی د گەل بەغدایێ دا ل سەر ڤێ پرسێ ھەبن.
بەرپرسی فەرمانگەھا پەیوەندیێن دەرڤە یێن حکومەتا ھەرێمێ دا زانین ژی، ل ھەموو دەڤەرێن کوردستانێ یێن ب مێژوو و جوگرافییا خوە ڤە گرێدایی ھەرێما کوردستانێ بن، دێ ریفراندۆم لێ ھێت ئەنجام دان.