نێچیرڤان بارزانی: رێفراندۆم خواست و ئیرادهیا گهلێ كوردستانێ یه
WAAR-دهۆك:
سهرۆكوهزیرێن ههرێما كوردستانێ راگههاند؛ ریفراندۆم خواست و ئیرادهیا گهلێ كوردستانێ یه و ب چو رهنگان كارگهرییێ ل سهر ههماههنگییا ههرێم و بهغدا د شهڕێ دژی داعشێ دا ناكهت.
ل گۆری مالپهرێ فهرمی یێ حكومهتا ههرێما كوردستانێ، ئهڤرۆ ل ههولێری سهرۆكوهزیر نێچیرڤان بارزانی، پێشوازی ل شاندهكا بالیۆز و كونسولێن وهلاتێن ئێكهتییا ئهورۆپا ل ئیراقێ و ههرێما كوردستانێ، ب سهرۆكایهتییا پاتریك سیمۆنێت بالیۆزێ ئێكهتییا ئهورۆپا ل ئیراقێ كر و شاندا ئهورۆپی، قۆربانیدانا هێزێن پیشمهرگهی و خهلكێ كوردستانێ د شهری دژی تیرۆرێ دا بلند نرخاند.
دهربارهیی ریفراندۆما ههرێمێ، شاندا ئهورۆپی گۆت: ئێكهتییا ئهورۆپا هیڤی خوازه شهرێ دژی داعشێ، ههر كارێ دهستپێكی یێ ههرێمێ بیت و ب هاریكارییا دۆست و ههڤپهیمانان، دانوستاندنێن رژد د ناڤبهرا ههولێر و بهغدایێ دا، دهستپێبكهن.
ژ ئالیێ خوهڤه نیچیرڤان بارزانی، دوپاتكر كو ههرێم كارێ خوهیێ دهستپێكێ كو ژناڤبرنا رێكخستنا داعشێ یه ناگهۆریت و هاریكاری و ههماههنگییا ههرێم و بهغدا د شهڕێ دژی داعشێ دا دێ بهردهوامبیت، لێ ریفراندۆم خواست و ئیرادهیا گهلێ كوردستانێ یه و مهرهم ژێ، دهستنیشانكرنا پاشهرۆژا گهلێ كورده.
دا زانین ژی: ههرێما كوردستانێ و بهغدا، پێدڤی ب دانوستاندنهكا رژدن ل دۆر دهستنیشانكرنا پاشهرۆژا پهیوهندییان و پێكڤهژیان و چارهكرنا كێشهیان.
تُتاح هذه الصورة أيضا في: کوردی