قوباد تالهبانی: حكومهتێ پلان ههیه ههموو رهوشێن نهخواستی دهرباز بكهت
WAAR-دهۆک:
جێگرێ سهرۆكوهزیرێن ههرێما كوردستانێ راگههاند؛ حكومهتا ههرێمێ پلانهكا تۆكمه و بنیاتێ رێڤهبهریهكا باشا كارگێری دانایه، داكو د پاشهرۆژێ دا بهرههنگاری ههر قهیرانهكا نهخواستی ببیت.
ل گۆری مالپهرێ فهرمی یی حكومهتا ههرێمێ، ئهڤرۆ قوباد تالهبانی جێگرێ سهرۆكوهزیران، پیشوازی ل شاندهكا بلندا وهزارهتا دهرڤهیا ئهلمانیا ب سهرۆكایهتییا والتهر لیندنر، وهزیرێ دهولهتێ و جێگرێ وهزیری دهرڤهیێ وی وهلاتی كر و شاندا ئهلمانی، پشتهڤانییا وهلاتێ خوه بۆ ههرێما كوردستانێ و هێزێن پیشمهرگهی دوپاتكر.
قوباد تالهبانی باس ل رێفراندۆم و كێشهیێن ناڤخوهیێن ههرێمێ كر و گۆت: ناكوكیێن سیاسی كاریگهریێن خراپ ب دووڤ خوه دا ئیناینه، لێ نها بزاڤێن رژد بۆ چارهكرنا ههموو كێشهیان ههنه، ئێدی خهلكێ ههرێمێ یێ بهرهڤ بریاردانێ ل سهر چارهنڤیسێ خوه دچن، ئهو مافێ كو گهلهك خهبات بۆ كری.
دا زانین ژی: نها حكومهتا ههرێمێ، پلان ههیه د رهوشێن نهخواستی دا، تووشی حێبهتییان نهبیت، بهلكو د ئاستێ ههر قهیرانهكێ دا بیت، بۆ ڤێ یهكێ ژی، بنیاتێ رێڤهبهریهكا باشا كارگێری هاتییه دانان.
تُتاح هذه الصورة أيضا في: کوردی