بەغدا دەمێ وەرگرتنا گەنمێ جوتیارێن هەرێمێ درێژکر
هێرش قادر – هەولێر
وەزارەتا بازرگانیا عێراقێ دەمێ وەرگرتنا گەنمێ جوتیارێن هەرێمێ هەیا ٢٥ی ئەڤێ مەهێ درێژکر.
لگۆر نڤێسارەکێ کو وێنەک ب دەستێ دیجیتال میدیا ئێن ئار تى کەتیە و ئاراستەی هەرسێ پارێزگەهێن هەولێر، سلێمانى و دهۆک کریە، وەزارەتا بازرگانیا عێراقێ بریار دایە دەمێ وەرگرتنا گەنمێ جوتیارێن هەرێمێ هەیا ٢٥ی تەمووزێ درێژ بکەت.
بەرى نها دەمێ وەرگرتنا گەنمێ جوتیارێن هەرێمێ ژئالیێ بەغداڤە، هەیا ١٥ی ئەڤێ مەهێ بوو، بەلێ لگۆر ئەڤێ نڤێسارێ، جوتیار دکارن هەیا ٢٥ێ ئەڤێ مەهێ گەنمێ بدەنە سایلۆیان.
حکومەتا عێراقێ بۆ سالا ٢٠١٧ێ، بریاردایە ٤٤٢ هزار تەنێن گەنمێ هەرسێ پارێزگەهێن هەرێمێ وەربگریت، ب جۆرەکی ١٧٥ هزار تەن بۆ پارێزگەها دهۆکێ و ١٥١ هزار تەن بۆ پارێزگەها هەولێرێ و ١١٥ هزار تەن ژى بۆ پارێزگەها سلێمانیێ.
لگۆر تەخمینا وەزارەتا چاندنا هەرێمێ، دهێتە چاڤەرێکرن بەرهەمێ گەنمێ ئیسال، زێدەتر ژ ملیۆنەک و ٥٠٠ هزار تەنان بیت، بەلێ حکومەتێ بریاردایە تنێ ژ سەدێ ١٧ە، گەنمێ هەرێمێ وەربگریت کو نێزیکى ٥٠٠ هزار تەنان دبیت.
سالانە حکومەتا عێراقێ گەنمێ جوتیاران ب رێکا سایلۆیان وەردگریت، هەیا نها ژى بەشەک ژ جوتیاران پارێ گەنمێ سالێن بهوری وەرنەگرتینە.
هـ.س
تُتاح هذه الصورة أيضا في: کوردی