سێ سالە خیڤەتێن ئاوارێن كەمپا بێرسڤێ دوو نەهاتینە گهۆرین
تۆرا لالش يا راگههاندنێ/لەید حسێن 
ل گۆر گۆتنا ئاوارێن كەمپا بێرسڤێ دوو،كو ماوێ سێ سالایە خیڤەتێن وان نەهاتینە گهۆرین و ژبەر كێمیا كارەبا نشتیمانی بێزاربووینە،ئەو دخوازن رێكخراو بزڤرنە ڤە بۆ خزمەتكرنا خەلكێ و هاریكارییا كەسانێن كێم درامەت بێتە كرن و پێتڤیێن وان بێنە دابینكرن،ژبال خۆڤە رێڤەبەرێ كەمپێ ژی دبێژت:ب حەموو شیانێن خۆ دێ كاركەین داكو هەرتشتێ پێتڤی ژبۆ ئاواران دابین بكەین.
ئاوارە(هانی بەرەكات)دیاركر،ئاریشا خەلكێ كەمپێ كێمیا كارەبا نشتیمانی یە و دڤی وەرزێ هاڤینێ دا پلێن گەرمێ بلندبووینە و زارۆك تووشی نەخۆشیان بووینە،لەوا دخوازین چارەیەك ل ڤێ ئاریشێ بێتە كرن،هەروەسا پێتڤیە خیڤەتێن كەمپێ بێنە گهۆرین،چنكو ئەڤە ماوێ سێ سالایە نەهاتینە گهۆرین و یێن رزین و ئەم بێزاربووینە.
هەروەسا ئاوارە (زێد حەجی)گۆت:داخوازا مە یا سەرەكی نۆكە رەوشا كارەبێ د كەمپێ دا باشتر لێ بت وهاریكارییا كەسانێن كێم دەرامەت بێتە كرن،ژبەركو ژلایێ مادی ڤە لاوازن و دەلیڤێن كاری بۆ گەنجێن كەمپێ بێنە دابینكرن.
ژلایەكێ دیڤە ئاوارە(هادی هاڤند)دبێژت:پتریا خیڤەتان دناڤ كەمپێ دا یێن رزین وپێتڤی یە بێنە گهۆرین ،چنكو هێشتا هاڤینەكا گەلەك یا گەرم یامای و زڤستانەكا پر ژ سروسەقەمێ یا ل هیڤیا ئاوارەیان،دیسان ئەم دخوازن ترومبێلەكا دی یا راكرنا گلێشێ وئێكا ئاگرڤەمراندنێ بێنەدابینكرن ژبەركو ترومبێلەك بتنێ نكارت حەموو گلێشی دئێك دەم دا راكت،داخوازێ ژحەموو لایەنێن شۆلەژێ دكەین كو رێكخراو بزڤرنە ناڤ كەمپێ دا،ژبەركو براستی حەموو خزمەتان بۆخەلكێ دابین دكن وەك دبیاڤێن جڤاكی ویاسایی دا و ژبۆ چارەسەركرنا ئاریشێن دەروونی وهاریكاریكرنا وان ژبۆ چێكرنا ناسناما وتشتێن وان یێن پێتڤی،چنكو گەلەك خێزان دناڤ كەمپێ دا هەنە نكارن ژیانا خۆ برێڤە ببەن.
ل دۆر رەوشا كەمپێ و گلە و گازندێن ئاوارەیان،رێڤەبەرێ كەمپا بێرسڤێ دوو (ماهرمشۆ چۆلی)راگەهاند،ب شێوەیەكێ گشتی رەوشا ئاوارەیێن كەمپێ یا باشە و حەموو خزمەتكاری لدووڤ هەبوون وشیانێن خۆ هەر رۆژ ول دەمێن خۆ دا بۆ دئێنە دابینكرن،ژلایەنێن ساخلەمی وخووندنێ و پاقژیێ وئاڤ وكارەبێ یا باشە و ژ پتریا كەمپێن دی پترخزمەت لڤێ كەمپێ دا هەنە وئەرزاق وكەلوپەلێن پاقژیێ هەیڤانە لسەر وان دئێنە بەلاڤكرن،گۆتژی گازندێن هەرە پتر یێن خەلكێ ئەون
كو خیڤەتێن وان بێنەگهۆرین و براستی تەڤایا خیڤەتان پێتڤی بگهۆرینێ هەنە ومە پلان دانایە كو لبەری وەرزێ زڤستانا بێت پتریا خیڤەتان ئەوێن پتر پێتڤی بگهۆرینێ وان بگهۆرین،هەروەسا مە دەرگەهێ پارێزگەها دهۆكێ ولژنا كاروبارێن ئاواران ژی یاقوتای داكو دیسا رێكخراو گرێبەستێن خۆ نوو بكن وبكەڤنە دخزمەتا خەلكێ مەدا،لێ هێشتا ب چ تشتێ فەرمی ئەم ئاگەهـدارنەكرینە كو دێ زڤرن وهەتا نۆكە ئەنجامەكێ بەرچاڤ نینە و ئەم هەردەم ل پەیوەندیان داینە ژبۆ باشكرنا كارەبێ ولسەردابینكرنا موچەكی بۆ وان كەسێن كێم دەرامەت وكێم ئەندام مە ئەو شیان نینن گەرنە ب پشتەڤانیا رێكخراوان بت ژبەر ڤێ قەیرانا دارایی یا كو كوردستان تێد ادبۆرت،ئاماژە ب وێ چەندێ دا پاراستنا پاقژیا كەمپێ بدەستێ كۆمپانیێ یە وب تائیدێن فەرمی مە داخواز ژكۆمپانیێ كریە ڤێ ئاریشێ چارە بكن،دووپاتكر ژی ب حەموو شیانێن خۆ دێ كاركەین داكو هەر تشتێ پێتڤی ژبۆ ئاواران دابین بكەین.
تُتاح هذه الصورة أيضا في: کوردی