دوو نڤیسینگەهێن لالش ئاهەنگەك بۆ هۆنەرمەند”حەمادی ئسماعیل” ل كەمپا شاریا رێكخست
تۆرا لالش یا راگەهاندنێ
ئیرۆ رۆژا پێنج شەمبوویێ 20تەمووزا 2017ێ،نڤیسینگەهێن لالش سیبا شێخدرێ و گرزەرك،ئاهەنگەكا هۆنەری بۆ هۆنەرمەند”حەمادی ئسماعیل” سەركەفتیێ ئێكێ دبەرنامێ شەیدا دا رێكخست.
ب ئامادەبوونا كۆمەكا ئەندامێن بنگەهێ لالش و تەخا گەنجان ل كەمپا شاریا و ژ دەرڤە، نڤیسینگەهێن لالش سیبا شێخدرێ و گرزەرك،ئاهەنگەكا هۆنەری بۆ هۆنەرمەند”حەمادی ئسماعیل” سەركەفتیێ ئێكێ دبەرنامێ شەیدا دا رێكخست،هەروەسا ئاهەنگێ دەستپێكر ب پیشكێشكرنا پەیڤێن هەردوو نڤیسینگەهان ژبال”ناجی حەجی عەلو” بخیرهاتنا ئامادەبوویان كر و پەسنا بەهرەیا حەمادی و سەركەفتا وی كر سەرەرای تەمەنێ وی یێ كچك.
ل دووڤ دا”ئسماعیل ئەلقیرانی” بابێ هۆنەرمەند حەمادی پەیڤەك پێشكێشكر و تێدا سوپاسیا جەماوەرێ حەمادی و پشتەڤانیا وان كر و پەسنا رۆلێ گەنجان بۆ سەركەفتنا وی كر.
ل پێرە هۆنەرمەندێ بەهرەمەند حەمادی كۆمەكا سترانان گۆتن و گرنژین دناڤ جەماوەرێ خۆدا پەیدا كر.
تُتاح هذه الصورة أيضا في: کوردی