شاندەکێ کەسایەتیێن سیاسی یێن ئێزدیا سەرەدانا “شێخ شامۆ” کرن و پشتگیریا خۆ بۆ ریفراندۆمێ راگەهاندن
تۆرا لالش یا راگەهاندنێ/دهۆك
ل رێككهفتى 24تەمووزا 2017ێ، كۆمەكا كەسایەتیێن سیاسی یێن ئێزدی سەرەدانا دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ كرن و پشتەڤانیا خۆ بۆ ئەنجامدانا ریفراندۆما هەرێما كوردستانێ دیاركرن.
كەسایەتیێن سیاسی یێن ئێزدی ژ هەر ئێك ژ بەرێزان”دەخیل قاسم حەسون”وەزیر و قایممقامێ بەرێ یێ شنگالێ و “شەریف سلێمان”ئەندام پەرلەمانێ بەرێ ل پەرلەمانێ عێراقێ و”سەیدۆ چەتۆ” سەرۆكێ فراكسیۆنا برایەتی وپێكڤەژیانێ ل ئەنجوومەنێ پارێزگەها مووسلێ و “مەیسەر حەجی سالح” قایممقامێ بەرێ یێ شنگالێ و “خدر ئلیاس”ئەندامێ جڤاتا پارێزگەها مووسلێ و “وبەرەكات شەمۆ” ئەندامێ جڤاتا پارێزگەها مووسلێ پێكهاتی بوون،سەرەدانا دەستەیا بلندا بنگەهێ لالش یێ رەوشەنبیری و كۆمەلایەتی كرن و ژبال بەرێز”شێخ شامۆ” سەرۆكێ بنگەهێ لالش ڤە هاتنە پێشوازیكرن.
دهەڤدیتنێ دا شاندێ ناڤبری پیرۆزباهی ل بەرێز”شێخ شامۆ”كرن بۆ دەست نیشانكرنا وی وەك نوونەرێ ئێزدیان د بلندا ریفراندۆما هەرێما كوردستانێ دا و تەكەز كرن كو شێخ كەسایەتیەكێ ژ هەژی و ژێهاتی یە و مە باوەری پێ هەیە و هەموویان پشتەڤانیا خۆ بۆ شێخی ئانی زمان.
هەروەسا خۆشحالیا خۆ دانە دیاركرن بۆ بریارا سەركردایەتیا كوردستانێ ب سەرۆكاتیا سەرۆك بارزانی دڤێ قۆناغا چارەنڤیساز دا كو ئێزدییەك دجیێ بریارێ دا دانان و ئەڤ پێنگاڤ بلند و پیرۆز نرخاندن.
دلایەكێ دی دا شاندێ ناڤهاتی پشتەڤانیا خۆ بۆ ریفراندۆما كوردستانێ راگەهاندن و دیاركرن ژبۆ ئێزدیان دەرفەتەكا دیرۆكی یە ژبۆ ئێكلاكرنا چارەنڤیسێ دەڤەرێن ئێزدیان و دەربازبوون ژ چەندین كێشە و ئالۆزیێن هەلاویستی ماین،هەروەسا كەسایەتییان بیر و بۆچۆنێن خۆ بۆ ڤێ قۆناغێ و چاوانیا پێکڤە كاركرنێ ژبۆ سەرخستنا ڤێ پرۆسێسا هەستیار و مێژویی ل دەڤەرێن ئێزدیا ،دا کو ئەنجامەكێ باش و ئێكلاكەر بۆ پاشەرۆژا كوردستانێ ب گشتی و یا ئێزدیان دكوردستانێ دا ب تایبەتی بێتە گرەنتیكرن ،دیسان دووپات ل رەوشا شنگالێ كرن كو دەست تێوەردانێن دەرەكی دشنگالێ دا نەمینن و هەر رۆژ گرۆپ و لایەنەك نەئێت بازارا ل سەر رەوش و پەریشانی و ئەردێ شنگالێ و ئێزدیان نەکەت، و دڤێت ب هشیاری پێكڤە كاربكەین و ب دەنگێ خۆ چارەنڤیسێ ئیدارەكرن و ئێكلاكرنا ئەردێ خۆ دەستنیشان بکەن و رێکێ نەدەین لایەن و گرۆپێن دەرەكی دەستێوەردانێ بكن دئاخا مەدا.
ژئالیێ خۆڤە بەرێز”شێخ شامۆ”ب گەرمی بخێرهاتنا شاندێ مێڤان كر و سوپاسیا هەست و هەلویستێ وان بەرێزا یێ بەرپرسیارانە و جوامێرانە بەرانبەر پاشەرۆژا مللەت و وەلاتێ وان.
شێخی دیتن و شرۆڤەکرنەکا رحەت لسەر بابەتێ ریفراندۆمێ و سەرەدانا شاندی بۆ برۆكسل و قۆناغێن داهاتی یێن كاركرنا لژنا بلندا ریفراندۆمێ و چاوانیا دانانا میكانزمەكێ بۆ ڤێ قۆناغا نازك بەحسكر و دووپات كر كو ئەم حەموو ئێك و دوو تەمام دكن دهەلگرتنا ڤی بارێ گران دا ،تەکەز کر پێتڤی یە ب شەڤ و رۆژ كار بكن هەتا بكارن ڤێ قۆناغا چارەنڤیساز دەرباز بكن و ڤێ دەرفەتا دیرۆكی ژ دەست خۆ نەكەین ب ئەنجامەكێ باش پەیاما چارەنڤیسێ خوە ب هەمی جیهانێ بگەهینن.
و هەمی حازربوویێ هەڤدیتنێ دهەڤرابون کو ئێزدیا بەدیلێ کوردستانێ نینە و تاکە وارگەهێ ئێزدیا یێ رەسەن کوردستانە.
تُتاح هذه الصورة أيضا في: کوردی