بارزانی دوپاتی ل پاراستنا مافێن کریستیانێن کوردستانێ کر
WAAR-دهۆك:
سەرۆکێ ھەرێما کوردستانێ د ھەڤدیتنەکێ دا د گەل شاندەکا تەڤگەرا دیمۆکراتییا ئاشۆری دا، دوپاتی ل پاراستنا مافێن کریستیانێن کوردستانێ کر.
مەسعوود بارزانی سەرۆکێ ھەرێما کوردستانێ ئەڤرۆ پێشوازی ل شاندەکا تەڤگەرا دیمۆکراتییا ئاشۆری ب سەرۆکاتییا یونادم یووسف کەنا سکرتێرێ وێ تەڤگەرێ کر، تێدا شاندا ناڤھاتی قوربانیدانا ھێزێن پێشمەرگە بلند نرخاند و گۆت: کریستیان چارەنڤیسێ خوە ب چارەنڤیسێ کوردان و پێکھاتەیێن دی یێن کوردستانێ ڤە دزانن، ژبەرکو تنێ ل کوردستانێ ماف و تایبەتمەندیێن پێکھاتەییان دھێن پاراستن.
بارزانی ژی، بەحس ل پێنگاڤێن گەلێ کوردستانێ یێن بەرەڤ سەرخوەبوونێ کر و دوپاتکر، کو ماف و داخوازیێن کریستیانان پرەنسیپێ خوەجھێ ژیانا سیاسی و جڤاکی یا کوردستانێ یە، ھەروەسا داخواز ژ پارتێن کریستیانێن کوردستانێ کر، د گەل یەک دا کۆمببن و ب ھەڤپشکی ل سەر داخوازی و تێبینیێن کریستیانان بگەھن ئەنجام.
تُتاح هذه الصورة أيضا في: کوردی