فهلاح موستهفا: سهرخوهبوون بریارهكا دژوار و رژده
WAAR-دهۆک:
بهرپرسێ پهیوهندیێن دهرڤه یێ حكومهتا ههرێما كوردستانێ راگههاند؛ بریارا سهرخوهبوونێ یا دژوار و رژده، لێ سهركردایهتییا كوردستانێ ئامادهیه وێ سهركێشیێ بكهت.
فهلاح موستهفای بۆ مالپهرێ ریڤیۆ یێ ئهمریكی گۆت: ئێكگرتن و ئێكرێزییا ههموو ئالیێن سیاسی دناڤا ههرێمێ دا، باشترین هێز و پشتهڤانییه بۆ سهرخوهبوونێ و پێدڤییه د ناڤخوهیا ههرێمێ دا، كۆدهنگیهكا نشتیمانی ل سهر رێفراندوم و سهرخوهبوونێ دروست ببیت.
گۆت ژی: پێدڤییه ههرێم و بهغدا د پهیوهندیێن بهردهوام دابن و ههرێم وهلاتێن جیران ژی پشتراست بكهت كو سهرخوهبوون ل دژی بهرژهوهندیێن چ وهلاتان نینه.
بهرپرسێ پهیوهندیێن دهرڤه یێ حكومهتا ههرێمێ، داخواز ژ ئهمریكا كر، رۆلهكێ باش د دانوستاندنێن ههرێم و بهغدایێ دا ببینیت، داكو ب ئاشتیانه و تێكگههشتن، ئهنجامێن رێفراندومێ بهێنه بجهـئینان.
تُتاح هذه الصورة أيضا في: کوردی