دوو كچێن دی یێن ئێزدی ژدەستێن تیرۆرستێن داعش هاتنە رزگاركرن
باسنيوز:
رێڤەبەرێ نڤیسینگەها رزگاركرنا رەڤاندیێن كوردێن ئێزدی ب وەكالەت دیاركركو دوو كچێن دی یێن ئێزدی خەلكی تل بنات ل قەزا شنگال ژ دەستێن تیرۆرستێن داعش رزگاربوون و گەهشتنە پارێزگەها دهۆكێ. هەر دوو كچان ژی كوردی ژبیركرینە.
شێخ عیدان كالۆ، رێڤەبەرێ نڤیسینگەها رزگاركرنا رەڤاندیێن كوردێن ئێزدی ب وەكالەت ئەڤرۆ 16/8/2017 بۆ (باسنیوز)دیاركر:” هەر دوو كچێن هاتنیە رزگاركرن دژیێ 9 سالی و 10 سالی دانە. یا 10 سالی ناڤێ وێ (ب،ا،ع) وكچا دی ژی ناڤێ وێ (ن، ا،ع) . هەر دوو كچ خوشكێن ئێك وخەلكێ تل بناتن ل قەزا شنگال. هەتا نۆكە دایك وبابێن وان د دەستێ تیرۆرستێن داعشێ دانە”.
خویا ژی كر: “هەر دو كچێن رزگاربووی كوردی ژبیركرینە و ب زمانێ توركمانی دئاخڤتن. مە رەوانەی ناڤ كەس وكارێن وان كرن پشتی بۆ ماوێ چەند رۆژان بهنڤەدانی دكەن دێ جارەكا دی قەستا نڤیسینگەها مە كەن دێ كاروبارێن وان هێنە رێڤەبرن”.
تُتاح هذه الصورة أيضا في: کوردی