د هەوا بەرسنگرتنا توندوتیژیا دژی ژنان، ئێزدی داخوازەکێ ئاراستەی جڤاکا ناڤنەتەوەیی دکن
دهۆک-KDP.info-
دوهی سپێدی ئێکشەمبووێ،(٢٥-١١-٢٠١٨)ـێ لە هەولێرێ ب ئامادەبوونا سەرۆکێ حکومەتا هەرێما کوردستانێ نێچێرڤان بارزانی هەوا بەرسینگرتنا توندوتیژیا دژی ژنان دەستپێکر، ئێزدییان ژی داخوازەک ئاراستەی جڤاکا ناڤنەتەوەیی کر.
دڤی بیاڤی ژی دا، حسێن قایدی، بەرپرسێ نڤیسینگەها رزگارکرنا رەڤاندیان ل پارێزگەها دهۆکێ، بۆ ماڵپەرێ فەرمیی یێ پارتی دیموکراتی کوردستان گۆت:” گەرەکە جیهان بهێتە سەرهێلێ، و ل ڕەوشا ژنێن ئێزدی ئاگەهدار بیت، چونکی هەتا نها ژی ئێزدی د ڕەوشەکا خراپدانە.
ناڤهاتی ئاماژەدا، د هاتنا داعشێ دا ئێزدی توشی مەزنترین کۆمەلکووژی بوون، و ژن و کچێن ئێزدی زیانڤێکەفتیێن ئێکی بوون، و هەتا نها ژی بەشەکە مەزن ژ ئێزدییان چارەنڤیسێ وان نەدیارە، و دناڤا دەستێ داعشێ دا زوڵم و ستەما مەزن دبینن.
د هەوا بەرسینگرتنا توندوتیژیا دژی ژنان دا سەرۆکێ حکومەتێ ئاماژەدا، کو کچ و ژنێن ئێزدیان ل سەر دەستێ ڕیکخراوا تیرۆریا داعشێ تووشی زوڵم و ستەمەکا زۆر بوویە برینەکە د جەسەدێ جڤاکا کوردی دا ب ئاسانی چارەسەر نابیت.”
ل ساڵا ٢٠١٤ـێ داعشێ ئێڕشی شنگالێ کر، و زێدەتر ژ ٧ هەزار کەسی رەڤاندن و چەندین ژی کوشتن و٣٥٤٧ رەگەزێ مێ هاتنە رەڤاندن.
هەروەها سۆزان سەفەر کچە چالاکڤانا ئێزدی، و بەرپرسا ڕێکخراوی (داک) بۆ گەشەپێدانا ژنا ئێزدی بۆ ماڵپەری فەرمیی پارتی دیموکراتی کوردستان گۆت:” ئافرەتا ئێزدی تووشی گەلەک زولم و ستەمان بوویە ل سەر دەستێ رێکخراوا تیرۆریا داعشێ ژ هەموو ڕوویانڤە.
گوتیش:” نها ژی کچ و ژنێن مە ئازارەکا مەزن دکێشن و ئەو کەسێن هاتینە ئازادکرن ژی پێدڤی ب هەموو جۆرە چارەسەریەکێ نە ژبۆ کو دووبارەڤەگەریانێ.
دیارژی کر، کو گەرەکە هەموو وەڵاتێن جیهانێ هەڤکار بن ژبۆ رزگارکرنا وان کەسێن مایی ددەستێ داعشێ دا .
تُتاح هذه الصورة أيضا في: کوردی