فلمەكێ دیكیۆمێنتاری لسەر زارۆكێن رزگاربوویێن ئێزدی دئێتە چێكرن
تۆرا لالش یا راگەهاندنێ
ب هەڤبەشیا حكومەتا هەرێما كوردستانێ و دەزگەهێ سینەمایێ سویدی،كار یێ لسەر چێكرنا فلمەكێ دیكیۆمێنتاری بناڤێ(گەران دوای عیماد) دئێتە كرن،كو بەحسێ پێنچ زارۆكێن ئێزدی دكت د دەستێ داعش دان وچ زۆرداری و ستەمەك بسەرێ وان هاتی پشتی رزگار دبن.
دەربارەی پرۆژێن خۆ یێن نوودەرهێنەرێ سینەمایی(زەهاوی سنجاوی) بۆ دەنگێ لالش دیاركر،نهۆ كار لسەر فلمێ دیكیۆمێنتاری(گەران دوای عیماد) دكەم،بەحسێ پێنچ زارۆكێن ئێزدی دكت د دەستێ داعش دان كو بۆ دەمێ سالەك هەتا دوو سالو نیڤان ئێخسیر مابوون ،سیناریویا فلمی بەحسێ وێ چەندێ دكت كو درۆخسارێ وانرا یێ دیارە چ زۆرداری و ستەمەك بسەرێ وان هاتیە كو پشتی ژ دەستێ داعش رزگار دبن و ل كەمپا خانكێ ئاكنجی دبن و ژلایێ هزری ڤە كارتێكرنا داعش لسەر ڤان زارۆكان هاتیە كرن،لێ ب هاریكاریا دەیك و بابان و خێزان و رێكخراوان كارینە ڤەگەرینن ژیانا وان یا نۆرمال و ئەڤێ قۆناغێ دەرباز بكن و پێنگاڤێن باشتر پاڤێژن بۆ پاشەرۆژێ و گۆت:((ئەڤ پرۆژە ب هەڤبەشیا حكومەتا هەرێما كوردستانێ و دەزگەهێ سینەمایێ سویدی دئێتە برێڤەبرن ژلایێ مەزاختنێ ڤە،دیمەنێن فلمی ل كۆمەلگەها خانكێ دئێنە تۆماركرن)).
زەهاوی خەلكێ پارێزگەها هەولێرێ یە وئەڤە نێزیكی پتر ژ(30)سالانە ل وەلاتێ سوید دژیت و ماستەر ل دەرهێنەریا سینەمایێ وەرگرتیە و نێزیكی (14) سالە ل كوردستانێ مژوولی كارێ دروستكرنا فلمێن سینەمایی یە و ژبەرهەمێن وی (دایكانی من ) لسەر ئەنفالێ بوو،لدوڤ دا فلمەكێ دی بناڤێ (گەرانەوە دوای باوك ) ئەڤ فلم لسەر كەسەكی بوو نێزیكی (35) سالان ژبابێ خۆ یی دوور بوو ژئەگەرێ شۆرەشێن كوردی و لپەی بابێ خۆ دگەریا ،فلمەكێ دی ب ناڤێ (گەرانەوە) بەحسێ روودانێن شنگال دكت ل 3 تەباخا 2014ێ و سالا بۆری ل گەلەك ڤیستەڤالێن ئەورۆپی و ئەمریكی هاتیە پێشاندان وبەری دەه رۆژان ل كەنالێ رووداو ژی هاتە نمایشكرن.
تُتاح هذه الصورة أيضا في: کوردی