ڤیان دەخیل: پێدڤییه کچ و ژنێن ئێزدی یێن رەڤاندی ل تەلەعفەرێ بھێنە رزگارکرن
WAAR-دهۆک:
پەرلەمانتارا کوردا ئێزدی ل پەرلەمانێ ئیراقێ خواست د ئۆپەراسیۆنا رزگارکرنا تەلەعەفەرێ دا ژ ئالیێ ھێزێن ئیراقی ڤە گرنگییەکا تایبەت ب رزگارکرنا کچ و ژنێن ئێزدی یێن د دەستێ داعشێ دا بھێتە دان.
ڤیان دەخیلێ گۆت: ئەو ژ فەرماندارێن سوپایێ ئیراقێ دخوازیت ھشیارییەکا تایبەت ھەبیت بۆ رزگارکرنا ئەو کچ و ژنێن ئێزدی یێن کو ب باوەرییا وان ھیشتا ل تەلەعفەرێ و گوندەوارێن وێ نە، پێدڤییە ژیانا وان بھێتە پاراستن و ب زووترین دەم بھێنە رزگار کرن.
ھەروەسا ناڤھاتیێ دیار کر ژی کو پێدڤییە کچ و ژنێن ئێزدی یێن تەلەعفەرێ ژ ئاوارەیێن سڤیل یێن درەڤن بھێنە جودا کرن و ئێکسەر بۆ کەمپان نەھێنە ھنارتن.
تُتاح هذه الصورة أيضا في: کوردی