بارزانی بۆ رەڤەندا کوردستانی: بلا دەنگێ وە بۆ سەرخوه‌بوونێ بیت
WAAR-دهۆك:
سەرۆکێ هەرێما کوردستانێ راگەهاند: رێفراندۆم ئامرازێ سەرخوەبوونا کوردستانەکێ یە، کو مافێن هەموو پێکهاتەیێن وێ یێن نەتەوەیی و ئۆلی تێدا بهێن پاراستن.
مەسعوود بارزانی، سەرۆکێ هەرێما کوردستانێ په‌یامه‌كا تایبەت بۆ فەستیڤالا ئەڤرۆ یا پشتەڤانیکرنا رێفراندۆما سەرخوەبوونا هەرێما کوردستانێ ل باژارێ کۆلن یێ ئەلمانیا هنارت، کو کوردێن هەرچوار پارچێن کوردستانێ ژ سەرانسەر وەلاتێن ئەورۆپا پشکداری تێدا کریە و تێدا بارزانى راگەهاند: هەلوەستێ رەڤەندا کوردستانی پشتگەرمی و هێزە بۆ خویشک و برایێن وان ل کوردستانێ و پێدڤییە کوردستانی ل هەموو جیهانێ رێزێ ل خەبات و قوربانیێن گەلێ خوه ل هەمبەر داگیرکەر و دوژمنان بگرن و ب رێیا رێفراندۆمێ دەنگی ب سەرخوەبوونا کوردستانەکا خوەدی سەروەری بدەن.
سەرۆک بارزانی دوپات ژی کر: کوردستانا سەربەخوە تنێ وەلاتێ کوردان نابیت، لێ دێ بیتە جهێ پاراستنا مافێن هەموو پێکهاتەیێن نەتەوه‌یی و ئۆلی یێن کوردستانێ.
هەروەسا دییار کر: پشتی سەد سالێن هەموو رەنگێن ستەمێ ل هەمبەری گەلێ کورد ل عیراقێ و هەموو بزاڤێن ئاشتییانە یێن هەرێمێ د گەل بەخدایێ دا، دەم هاتییە کوردستانی بریارا چارەنڤیسێ خوە بدەن.
تُتاح هذه الصورة أيضا في: کوردی