مهسعود بارزانی ب گرنگترین كهسایهتيێ ڤێ جارێ د راپرسیا ئەلجەزیرە دا هاته دهست نیشان كرن
ZNA-ههولێر
بەپێی ئەنجامی راپرسییەکی ههفتانهی ماڵپەڕی ئەلجەزیرە، مهسعود بارزانی سەرۆکی ھەرێمی کوردستان کاریگەرترین کەسایەتیی ھەفتەیە.
کەناڵەکە ھەفتانە چوار کەسایەتی و سێ رووداوی جیاواز بە جودا دەخاتە ناو کێبڕکێوە بۆ دیاریکردنیان وەک کاریگەرترین کەسایەتی و کاریگەرترین رووداوی ھەفتە.
لەم ھەفتەیەدا ٢٦/٨/٢٠١٧، چوار کەسایەتییە خرابوونە کێبڕکێکەوە و پرسیاری ئەوە لە خوێنەرانی ماڵپەڕەکە کرا بوو، کە ”کام کەسایەتی زۆرترین کاریگەری ھەبووە لەم ھەفتەیەدا؟“.
ناوی کەسایەتییەکان و رێژەی دەنگەکانیان:
– مەسعود بارزانی، سەرۆکی ھەرێمی کوردستان، کە جەخت لە ئەنجامدانی ریفراندۆمی سەربەخۆیی کوردستان دەکاتەوە.
بارزانی %٦٢ دەنگی بەشداربووانی راپرسییەکەی بەدەست ھێناوە و بە کاریگەرترین کەسایەتیی ھەفتە ھەڵبژێردراوە.
– ئوسامە زوعبی، راگەیاندنکاری سووری، کە رووماڵی ”شۆڕش“ی ئۆپۆزیسیۆنی سووریای دەکرد، ھەفتەی رابردوو لە شاری دەرعا لە باشووری سووریا کوژرا.
زوعبی %١٨ـی دەنگی بەشداربووانی راپرسییەکەی بەدەست ھێناوە.
– جولیان ئاسانج، دامەزرێنەری ماڵپەڕی ویکیلیکس، کە چەندین نھێنیی ئەمریکا و وڵاتانی جیھانی ئاشکرا کردووە.
ئاسانج %١٢ـی دەنگی بەشداربووانی راپرسییەکەی بەدەست ھێناوە.
– ستیڤ بانون، گەورە راوێژکاری کاروباری ستراتیژیی دۆناڵد ترەمپی سەرۆکی ئەمریکا، کە دوای حەوت مانگ دەستبەکار بوون، ھەفەتی رابردوو دەستی لەکار کێشایەوە.
بانون %٨ـی دەنگی بەشداربووانی راپرسییەکەی بەدەست ھێناوە.
کەناڵی (ئەلجەزیرە) لە راپۆرتێکدا، ئاماژەی بەوە کردووە، کە مەسعود بارزانی، سەرۆکی ھەرێمی کوردستان ”خەونی کۆماری دووەمی کوردستانی زیندوو کردەوە“ و سوورە لەسەر ئەنجامدانی ریفراندۆمی سەربەخۆیی کوردستان لە کۆتایی مانگی ئەیلوولی داھاتوو.
تُتاح هذه الصورة أيضا في: کوردی