زارۆیەکێ ئێزدی ژ عەیازیە ھاتە رزگارکرن
باسنيوز:
رێڤەبەرێ نڤیسینگەھا رزگارکرنا رەڤاندیێن کوردێن ئێزدی ل دھۆکێ دیارکرکو ئەڤرۆ 29/8/2017 زارۆیەکێ کوردێن ئێزدی ب ھەڤکاریا پێشمەرگەی کوردستانآ ژدەڤەرا عەیازیە ھاتە رزگارکرن.
حوسێن قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی ل دھۆکێ بۆ (باسنیوز) دیارکر: “زارۆکەکێ ئێزدی دژیێ سێ سال وھەشت ھەیڤێ دا ژ دەستێ ژنەکا تیرۆرستێن داعش ل دەڤەرا عەیازیە ھاتە رزگارکرن ڤێ ژنا تیرۆرست ھەولدان کرن ڤێ زارۆکێ ئێزدی دناڤ ئاواراندا دەرباس بکەت وبگەھینتە ناڤ کەمپەکێ ل دەڤەرا زوممار لێ پێشمەرگەی کوردستانێ دەمێ پێشوازیا ئاواران کرن ئەڤ زارۆکێ ئێزدی دیتن ئیکسەر رزگارکرن”.
خۆیا ژی کر: “تیرۆرستێن داعش ھەولدەن ب ناڤ وناسنامەیێن سەختە زارۆکێن ئێزدی ڤەگوھیزن ئەڤ زارۆکێ ئەڤرۆکە ھاتیە رزگارکرن ژێ تیرۆرستان ناڤێ وێ دروست گوھارتیە ئەم ھەولێن بەردەوام داینە دگەل پێشمەرگەی کوردستانێ بۆ رزگارکرنا ھەموو رەڤاندییان”.
تُتاح هذه الصورة أيضا في: کوردی