كهسايهتيێن ئێزديان:کلیلا چارەسەریا کێشە و گرفت و پاشەرۆژا مه تنێ سەرخوەبوون و دەولەتبوونا کوردستانێ یە
تۆرا لالش یا راگەهاندنێ/دهۆك
کۆمەکا كەسایەتیێن جڤاكی و سیاسی یێن گوندێ بێبانێ،سهرهدانا بارهگايێ دهستهيا بلندا بنگههێ لالش ل دهۆكێ كر.
ئیرۆ رۆژا دوو شەمبوويێ 4ئهيلولا 2017ێ کۆمەکا كەسایەتیێن جڤاكی و سیاسی یێن گوندێ بێبانێ سەرەدانا بنگەهێ لالش ل دهۆكێ كرن و ژبال بەرێز”شێخ شامۆ”سەرۆكێ بنگەهی ڤه هاتنه پێشوازيكرن.
ل بهراهيێ كەسایەتیان سوپاسیێن خۆ ئاراستەی بنگەهی و شەخسێ سەرۆكێ بنگەهی كرن،بۆ گرنگی پێدان و خزمەتا ژلایێ جڤاكی یان رەوشەنبیری ڤە دئێتە پێشکێشکرن بۆ هەموو دەڤەرێن ئێزدیا ،ئاماژەكرن كو هەر پێتڤی وداخوازییەكا وان هەبت بنگەهی تەخسیری ژ وان را نەكریە.
دلايهكێ دى يێ ههڤديتنێ دا ب درێژی گەنگەشە ل سەر رەوش وپتر خزمەتكرنا گوندیا هاتە كرن.
ژئالیێ خۆ ڤە”شێخ شامۆ”سۆزدا ل گۆر پێچێبوون و کارینا خزمەتا خەلكێ وێ دەڤەرێ بكت.
هێژای گۆتنێ یە ژبۆ خزمەتکرنا خەلکێ گوندی ژ ئالیێ جڤاکی ڤە ب چاڤدێریا”شێخ شامۆ”هۆلا لالش یا گوندێ بێبانێ ب تەمامی هاتیە نوژەنکرن و نوو کرن و کەفتیە د خزمەتا خەلکێ دەڤەرێ دا.
دتهوهرهكێ دا سهرۆكێ بنگههێ لالش و کەسایەتیێن گوندێ بێبانێ گرنگیا پرۆسێسا ریفراندۆما سەرخوەبوونا کوردستانێ و گرنگیا وێ بۆ جڤاکا ئێزدیان ب تایبەتی بەحس کرن،دهەڤرابوون کو کلیلا چارەسەریا کێشە و گرفت و زامن کرنا پاشەرۆژا مە تنێ سەرخوە بوون و دەولەت بوونا کوردستانێ یە.
تُتاح هذه الصورة أيضا في: کوردی