تەرمێ کچەکا گرتى يا ئێزدى ھاتنە دیتن
باسنيوز:
بەرپرسێ نڤیسینگەھا رزگارکرنا رەڤاندیێن کوردێن ئێزدی دیارکرکو تەرمێ کچەکا رەڤاندیا کوردێن ئێزدی خەلکا تل بنات سەر قەزا شنگال ب ناڤی (ز) دژیێ 30 سالیێ دا ل مووسل ھاتە دیتن سەر دەمێ مالیکی ھاتبوو رەڤاندن دگەل ھزارەھا کچ وژنێن دێ یێن ئێزدی.
حوسێن قائێدی، بەرپرسێ نڤیسینگەھا رزگارکرنا رەڤاندیێن کوردێن ئێزدی بۆ (باسنیوز) دیارکر: “ڤێ کچا ئێزدی خوە کوشتیە ل پارێزگەھا مووسل دناڤ دەستێن تیرۆستێن داعشێ دا و پشتی مووسل رزگاربووی ب ھەڤکاریا پێشمەرگەی کوردستانێ و وەزارەتا شەھید وئەنفالکریان مە شیا تەرمێ وێ کچی ببینن ل ل تاخەکێ مووسل ھاتبوو بن ڤەشارتن ب رێکا ترۆمبێلین ھاوار ھاتنی یێن ساخلەمیا دھۆکێ تەرمێ وێ کچا ئێزدی بۆ نوژداریا داد ل دھۆک ھاتە ڤەگوھاستن”.
خۆیا ژی کر: “دێ تەرمێ ڤی کچا ئێزدی دووڤ داب ونەرێتین کوردێن ئێزدی بۆ باب و باپیرێن وێ دەڤەرا تل بنات قەزا شنگال ھێتە ڤەگوھاستن و ڤەشارتن”.
تُتاح هذه الصورة أيضا في: کوردی