وەرزش هزرا تووشبوويێن شێرپەنجا مەمک بهێز دکت
رووداو-سلێمانی
توێژینەوەیەکی نوێی ئەمریکی دەڵێ وەرزش رۆڵێکی ئەرێنی هەیە لە زیادکردنی توانا هزرییەکانی ئەو خانمانەی لە شێرپەنجەی مەمک چاکبوونەتەوە.
توێژەرەکان لە کۆلێجی پزیشکی زانکۆی کالیفۆرنیای ئەمریکا بوون و ئەنجامی توێژینەوەکەیان لە جۆرناڵی زانستی (کانسەر) بڵاوکردووەتەوە.
لە توێژینەوەکەدا هاتووە کە نزیکەی 75% ی تووشبووانی شێرپەنجەی مەمک پاش وەرگرتنی چارەسەری دژە شیرپەنجە تووشی گرفتی هزری و مەعریفی دەبن.
بۆ گەیشتن بەو ئەنجامە نوێیە، توێژەران بۆ ماوەی 12 هەفتە بەدواداچوونیان بۆ باری هزری و مەعریفی 87 خانمی رزگاربوو لە شێرپەنجەی مەمک کردووە.
لە کۆتاییدا گەیشتنە ئەو ئەنجامەی ئەوانەی وەرزشیان کردووە لایەنی هزری و مەعریفییان دوو هێندەی ئەوانە باش بووە کە وەرزش و چالاکی جەستەییان نەبووە.
شێرپەنجەی مەمک بڵاوترین جۆری شێرپەنجەیە لە خانماندا و بەپێی ئامارەکانی رێکخراوی تەندروستی جیهانی ساڵانە لەسەر ئاستی جیهان 1.4 ملیۆن خانم تووشی ئەو جۆرە شێرپەنجەیە دەبن و 450 هەزار خانمیش هەر بەو نەخۆشییە دەمرن.
تُتاح هذه الصورة أيضا في: کوردی