شنگال.. 17 قوتابخانێن كوردی بۆ سالا نوو یا خووندنێ هاتنە ڤەكرن
باسنيوز:
رێڤەبەرێ پەروەردێ ل قەزا شنگال دیاركركو ئەڤرۆ 2/10/2017 ل سنۆری قەزا شنگال 17 قوتابخانێن كوردی بۆ خەلكێ شنگال یێن ڤەگەریاینە سەر مالێن خوە هاتنە ڤەكرن ودەست ب سالا نوو یا خاندنێ هاتە كرن.
حوسێن خدر، رێڤەبەرێ پەروەردێ ل قەزا شنگال بۆ(باسنیوز) دیاركر: “ئەڤرۆ 1700 قوتابیان ل قەزا شنگال قەستا قوتابحانەیان كرن بتایبەتی ژی ل سنۆنێ و گوهبل و زوراڤا وسەرچیایێ شنگال دێ دوو قوتابخانە ژی دناڤ سەنتەرێ شنگالدا هێنە ڤەكرن بۆ وان قوتابیێن ڤەگەریاینە سەر مالێن خوە ل دەڤەرێ، لێ ئاریشا سەرەكی ل قەزا شنگال ئەو ماموستایێن مە ئاوارهنە وگەلەك ماموستایان ژی مۆلەت وەرگرتینە وكۆچبەر بووینە لەورا كێماسیا میلاكێ بۆ پەروەردا مە دروست بوویە”.
خویا ژی كر: “ل ناڤ كەمپێن ئاواران ژی 52 قوتابخانە بۆ 30 هزار قوتابیێن شنگال هاتنە ڤەكرن. ئەم داخوازێ دكەین رێكخراوێن جڤاكی و خێرخوازی هەڤكاریا مە بكەن بۆ پشتەڤانیا قوتابی و قوتابخانەیان”.
تُتاح هذه الصورة أيضا في: کوردی