مهسروور بارزانی: نابیت خهلكێ كوردستانێ باجا ململانیێن سیاسی ل بهغدا بدهت
WAAR-دهۆك:
شیرهتكارێ جڤاتا ئاساییشا ههرێمێ ههرێمێ ئاشكهرا كر: سهقایێ ههلبژارتنان و ململانیێن سیاسی ل بهغدا رێگرێن سهرهكینه ل ههمبهر پێشڤهچوونێ، لێ نابیت خهلكێ كوردستانێ باجا وێ رهوشا بهغدا بدهت.
لگۆرهیی راگههاندنهكا نڤیسینگهها مهسروور بارزانی شیرهتكارێ جڤاتا ئاساییشا ههرێمێ، شیرهتكارێ جڤاتا ئاساییشێ پێشوازی ل یان كۆبیش هنارتیێ تایبهت یێ نهتهوهیێن ئێكگرتی ل ئیراقێ كریه و دكۆمبوونێ دا یان كۆبیشی دوپاتی ل ههلویستێ نهتهوهیێن ئێكگرتی كریه كو، دخوازن بلهز دانوستاندنێن راسته راست د ناڤبهرا ههولێر و بهغدایێ دا، دهست پێ بكهن.
كۆبیشی زێدهتر ژی خویا كر، یۆنامی ل وێ باوهرێ یه دهستوور بنهمایێ چارهسهرییا ههمی كێشهیانه و نابیت ب چو ئاوایهكی پهنا بۆ بكارئینانا هێز و توندوتیژییێ بهێته كرن، ههر د وی چارچووڤهیی دا نهتهوهیێن ئێكگرتی و جڤاتا ئاساییشا نێڤدهولهتی دێ ل سهر بزاڤێن خوه بهردهوام بن، داكو ب زووترین دهم و ئاوایهكێ ئاشتییانه كێشهیێن د ناڤبهرا ههولێر و بهغدایێ دا بهێنه چارهكرن.
د ههمبهر دا مهسروور بارزانی، ئاماژه كر، سهقایێ ههلبژارتنان و ململانیێن سیاسی ل بهغدا رێگرێن سهرهكینه ل ههمبهر پێشڤهچوونان، لێ نابیت وهلاتیێن كوردستانێ باجا وێ رهوشا بهغدا بدهن، لهورا پێدڤییه زوو دهست ب رێڤهچوونا دانوستاندنان ل گۆر خشتهیهكی و ب دیاركرنا دهمی بهێنه رێكخستن.
ههر د كۆمبوونێ دا مهسروور بارزانی ب یان كۆبیشی را گۆتیه، ل بهغدا گهلهك بانگهشه بۆ جێبجێكرنا دهستووری دهێته كرن، ههرێما كوردستانێ خوازیاره دهستوور بهێته جێبجێكرن، بهلێ ههمی دهستووری نهك ب تنێ ئهو ماددهیه یێن بهغدا بههلبژێریت.
تُتاح هذه الصورة أيضا في: کوردی