دناڤ گرتیێن داعش ل عێراقێ رەڤاندیێن ئێزدی ژی ھەنە
باسنيوز:
رێڤەبەرێ گشتی یێ كاروبارێن ئێزدیان وەزارەتا ئەوقاف وكاروبارێن ئاینی هەرێما كوردستانێ دیاركركو حكومەتا عێراقی كار دكەت قوناغ دووڤ قوناغێ خێزانیێن تیرۆرستێن داعش رەوانەی وەلاتێن وان بكەت ودگەلدا ژی رەڤاندیێن ئێزدی ژی بۆ وەلاتێن وان تیرۆرستان بهێنە رەوانەكرن.
خەیری بۆزانی، رێڤەبەرێ گشتی یێ كاروبارێن ئێزدیان وەزارەتا ئەوقاف وكاروبارێن ئاینی هەرێما كوردستانێ بۆ (باسنیوز) دیاركر:” حكومەتا عێراقی كاردكەت خێزانیێن تیرۆرستێن داعش ئەوین هاتینە دەستەسەركرن ژ عێراقی دەربێخت دگەل وان خێزانیێن تیرۆرستان گەلەك كچ وژن و زارۆكێن ئێزدی هەنە ئەم داخازی ژ بەغدا دكەن وان رەڤاندیێن ئێزدی رادەستی نڤیسینگەها رزگاركرنا رەڤاندیێن ئێزدی ل دهۆكێ بكەت ورێ نەهێتە دان رەڤاندیێن ئێزدی دگەل خێزانیێن تیرۆرستان بچن بۆ دەولەتێن ئەو تیرۆرست ژی هاتینە عێراقی چونكو ئەڤە دێ برینێن ئێزدیان مەزنتر كەت”.
خۆیا ژی كر:” ئەم داخوازی ژ بەغدا دكەن ڤێ جەژنا ئێزدیان نەخۆش نەكەت وەكو سالا 2014ێ، ئەڤرۆ 12/12/2017 هەموو ئێزدی ب رۆژی نە دێ ل رۆژا ئەینی بیتە جەژن هەكە رەڤاندیێن ئێزدی بهێنە رزگاركرن دێ جەژنا ئێزدیان بیتە دوو جەژن”.
تُتاح هذه الصورة أيضا في: کوردی