لسهر دهستێ داعش و حهشدا شهعبى و پەکەکە چار ساله ئێزدیان چ خێر و خۆشى ب خۆ نهدیتیه
باسنيوز:
ل 3/8/2014 بۆ ئێكهم جار داعش دەست ب سهر دهڤهرا شنگالدا گرت كو زۆربهیا خهلكێ وێ ئێزدىنه و داگیركرنا وان بوو ئهگهرێ ئاوارهبوونا 360 هزار كهسێن ئێزدى و ب هزارهها ئێزدى ژى هاتینه كۆشتن و رهڤاندن، ئهڤ ساله یا 2017 ژى حهشدا شهعبى دهست ب سهر شنگالدا گرت و بۆ ئهگهرێ ئاوارهبوونا پتر ژ حهفت هزار كهسان و نها رهشا وانژى ل دهڤهرا شنگال زۆر یا نالهباره.
مهحما خهلیل، قائیمقامێ قهزا شنگال بۆ (باس) دیار كر، د ماوێ چار سالێن بۆری دا ئێزدیان چ خێر و خۆشى ب خۆ نهدیتیه دناڤ دهستێن داعش و حهشدا شهعبى دا ژناڤچووینه.
ژ ئهنجامێ سیاسهتا توندرهو یا داعش و حهشدا شهعبى ههتا نوكه ژ سهرجهمێ 550 هزار ئێزدیێنن ئاكنجى ل دهڤهرا شنگال 360 هزار كهس هێشتا د ئاوارهنه و 90 هزار ئێزدیێن ههمى دهڤهرێن كوردستانێ ژى چووینه دهرڤهى وهلاتى و 7 هزار ژن و زارۆیێن ئێزدى ژى هاتبوونه رهڤاندن و هێشتا نیڤا رهڤاندیان ژى ل سهر دهستێ داعش نههاتینه ئازادكرن.
مهحما خەلیل ئاشكرا كر كو ژ ئهنجامێ سیاسهتا ڤان ههردوو رهوتێن توندرهو ئێزدیان چ خۆشى ب خۆ نهدیتیه و ب چ رهنگان نهشێن ڤهگهرنه سهر مال و مۆلكێن خۆ و ههتا نها 45 گۆرێن ب كۆمى یێن ئێزدیان هاتینه دیتن و ب هزارهها كوردێن ئێزدى د وان گۆران دا ب ساخى هاتبوونه ڤهشارتن و گۆت: نوكهژی سیاسهتا تهعریبێ یا ل سهر شنگالێ یا دهست پێكرى و هژمارهكا مهزن یا عهرهبان یێ قهستا شنگالێ دكهن و لێ ئاكنجى دبن و نیڤا كوردێن ئێزدى و پتر ژى مال و حالێن خۆ بجه هێلاینه و ئاواره بووینه.
ئاماژه دا وێ چهندێ كو پشتى داعش ژ شنگال دهركهفتى، پهكهكێ خۆ دناڤ شنگالدا ئاسێ كربوو و بزاڤ دكرن شنگال بكهته مهلبهندێ خۆ و ببوونه رێگر ل بهرامبهر ئاڤهدانكرنا شنگالێ و چهندین جاران حكوومهتێ داخواز دكر پهكهكە ژ شنگالێ بدهركهڤیت و شنگالێ بكهنه د دهستێ شنگالیان ب خۆ دا، بهلێ پهكهكێ قهبیل نهدكر و پێشیلكاریێن مهزن د ناڤ شنگالدا دكرن و ههتا نوكهژى د پێشیلكاریاندا یا بهردهوامه.
بیبۆ عهجاج وهلاتیهكێ قهزا شنگاله بۆ (باس) دیار كر، ئهڤه چار ساله ئێزدیان دناڤبهرا حهشدا شهعبى و پهكهكێ و داعشێدا چ خۆشى ب خۆ نهدیتینه و ههتا نوكه زیان یێن ب وان و دهڤهرێن وان دكهڤن و گۆت: ههر هێزهكا بهێته شنگال، چاڤ ل بهرژهوهندیێن خۆنه و چ هێز د بهرژهوهندیا شنگال دا كار ناكهت و ب تنێ ب دویڤ بهرژهوهندیێن خۆ دچن و پاشهرۆژا شنگال یا بهرزهیه.
بیبۆ ئاشكرا كر، خۆ ئهگهر ههمى هێز ژ شنگال ب دهركهڤن ژى، ئهو ب چ رهنگان نهشێن ل گهل عهرهبێن دهڤهرێ و دهوروبهرێ خۆ بژین، چونكو ئهو دهردهسهریێن ب سهرێ ئێزدیاندا هاتینه ههمى ژ عهرهبێن شنگالێ دهست پێكرینه و ههتا نوكه ژى عهرهبێن وان دهڤهران دژى كوردێن ئێزدى و خهلكێ شنگالێ د بزڤن.
تُتاح هذه الصورة أيضا في: کوردی