مهكگۆرك: پێشمهرگهی رۆلێ سهرهكی د ژناڤبرنا داعشێ دا ههبوو
WAAR-دهۆک:
هنارتیێ تایبهتێ سهرۆكێ ئهمریكا بۆ شهڕێ دژی داعشێ ئامارا سالا 2017 یا چالاكیێن ههڤپهیمانان دژی داعشێ بهلاڤكر و راگههاند؛ پێشمهرگهی رۆلێ سهرهكی د ژناڤبرنا داعشێ دا ههبوو.
برێت مهكگۆركی د پهیامهكێ دا كو ل مالپهرێ وهزارهتا دهرڤهیا ئهمریكا دا بهلاڤبوویه، تێدا دیاركرییه، ب شانازی ڤه ههڤپهیمانییا نێڤدهولهتی رۆل د پاقژكرنا ئاخا ئیراقێ دا دیت، لێ ئهركێ سهرهكی ل سهر ملێن سوپا و پێشمهرگهیێ كوردستانێ بوو كو ب سهدان كهسان ژیانا خوه گۆڕی رزگاركرنا ئاخا خو كر.
مهكگۆركی دا زانین ژی: د پاشهرۆژێ دا ههموو كارێ وان دێ سهقامگیرییا دهڤهرێن نوو رزگار كری و ئاڤاكرن و كۆمكرنا هاریكارییان بیت بۆ وان دهڤهران.
دهربارهیی سووریێ ژی مهكگۆركی پهسنا هێزێن سووریا دیمۆكراتیك ههسهدێ كرییه و دیاركرییه، پترییا ئاخا ل بن دهستێ داعشێ، ژ ئالیێ ههسهدێ ڤه هات رزگار كرن و قۆربانیێن مهزن هاتنه دان، لهو ههڤپهیمان دێ ل سهر پشتهڤانییا ههموو هێزێن دژی داعشێ شهڕ كرین، بهردهوامبن.
تُتاح هذه الصورة أيضا في: کوردی