مهعسووم هۆشدارییێ ژ پاشخستنا دانوستاندنێن ههولێر و بهغدایێ ددهت
WAAR-دهۆک:
سهرۆككۆمارێ ئیراقێ هۆشداری ژ پاشخستنا دانوستاندنێن ههولێر و بهغدایێ دا و راگههاند؛ پاشخستنا دانوستاندنان دێ كاریگهریا راستهوخوه ل ژیانا وهلاتییان كهت.
فوئاد مهعسووم سهرۆككۆمارێ ئیراقێ راگههاند؛ گیرۆبوون و پاشخستنا دانوستاندنێن ههولێر و بهغدایێ مهترسیهكا مهزنه، ژبهركو راستهوخوه كاریگهریێ ل ژیانا وهلاتییان دكهت و دێ بیته ئهگهرێ گیرۆبوونا مووچهیێن وهلاتییان، لهو پێدڤییه ههولێر و بهغدا دهست ژ مهرجێن خوهیێن ئاسێ بینن و ل گۆرهیی دهستووری دانوستاندنان بكهن.
گۆت ژی: ههرێما كوردستانێ لیستا بایۆمهتری یا مووچهخورێن خوه بهرههڤكرییه و چاڤهرێیه بهغدا بهێته دانوستاندنان، لێ بهغدا ژی چاڤهرێیه ههرێم داهاتێ خوهیێ پهترۆلێ و فرۆكخانه و خالێن خوهیێن سنۆری رادهست بكهت.
تُتاح هذه الصورة أيضا في: کوردی