داواكارێ گشتی: ل سالا بۆرى زێدهترى شەش هەزار دۆسه هاتينه ئێكلاكرن
ياسنيوز:
سەرۆكایەتیی داواكاری گشتی لە هەرێمی كوردستان ئاماری كار و چالاكییەكانیانی لە ساڵی 2017 خستە ڕوو و رای دەگەیەنێ ئەمساڵ وردبینییان بۆ نزیکەی 1180 دۆسیە کردووە.
ئەمڕۆ یەكشەممە 7/1/2018، حاكم دڵشاد فائیز، ئەندامی داواكاری گشتی لە پرێس كۆنفرانسێكدا داتا و ئامارەكانی ئەو سەرۆكایەتییەی خستەڕوو و ڕای گەیاند: “دەستەی وردبینی لە دۆسیەی تاوانەكانی گەورە كە لەلایەن ئەندامانی داواكاری گشتییەوە بەڕێوە دەچێت، وردبینی و ڕا و سرنجیان بۆ 1179 دۆسیە كردووە كە لەلایەن دادگاكانی تاوانەوە دەرچووە و ڕەوانەی دادگاكانی تەمیز كراون كە ئەو سزایانە بریتی بوون لە سزای هەتاهەتایی و لەسێدارەدان”.
هاوكات حاكم دڵشاد، ئاماژەی بۆ ئەوەش كرد، دەستەی وربینی لە دۆسیەكانی تاوانی نەجەوانان، ئەو دەستەیەش دەستیان كردووە بە وردبینی و دەربڕینی ڕا و سرنجی بۆ 818 لەو بڕیارانەی كە دادگاكان دەریان چواندووە و ڕەوانەی دادگاكانی تەمیز كراون كە زۆربەی تاوانەكان جینائی بوون.
ئەو ئەندامەی سەرۆکایەتی گشتی ڕاشی گەیاند: “ئاماری سەرۆكایەتیی داواكاری گشتی، دەستەی مافی گشتی، جووڵاندنی سكاڵای مافی گشتی بۆ 39 دۆسیە كراوە و هەروەها 332 نوێنەر دەستنیشان كراون لە دادگاكان بۆ بەرگریكردن لە مافی گشتی و بەدواداچوون بۆ 374 دۆسیەی دیكەش كراوە”.
ئەندامەكەی داواكاری گشتی لە کۆتاییدا گوتیشی: “ئەو كێشانەی كە یەكلا لە دادگاكان كراونەتەوە، بەگشتی2311 دۆسیە بوون، هەروەها لە دادگاكانی كەتنیش 1548 دۆسیە بووە و لە دادگاكانی باری كەسیش 6209 دۆسیە یەكلا كراونەتەوە
تُتاح هذه الصورة أيضا في: کوردی