فرهنسا پێشوازی ل دانوستاندنێن بهغدا و ههولێرێ كر
WAAR-دهۆك:
وهزارهتا دهرڤه یا فرهنسا پێشوازی ل دانوستاندنێن د ناڤبهرا سهرۆكوهزیرێن ههردو حكومهتێن بهغدا و ههولێرێ كر و دیاركر، فرهنسا پێشوازیێ ل دانوستاندێن د ناڤبهرا ههردو ئالیان دا ب مهرهما دیتنا رێیهكێ بۆ ئیراقهكا ئێكگرتی دكهت.
د بهیاننامهیهكێ دا وهزارهتا دهرڤه یا فرهنسا راگههاند، فرهنسا دخوازیت دانوستاندنێن د ناڤبهرا حهیدهر عهبادی و نێچیرڤان بارزانی ببیته رێخوهشكهر بۆ ئهنجامدانا دانوستاندنێن ئاڤاكهر تا رێ چاره بۆ ههمی كێشهیان د چارچووڤهیێ دهستوورێ ئیراقێ بهێنه دیتن.
ههروهسا د بهیاننامهیێ دا فرهنسا پشتهڤانییا خوه بۆ دانوستاندنێن جدی ب مهرهما دیتنا رێچارهیهكێ بۆ ئیراقهكا ئێكگرتی دووپات كریه.
جهێ ئاماژه پێ كرنێ یه كو نێچیرڤان بارزانی و عهبادی ل ئێكشهمبییا بۆری كۆمببوون چهند تهوهرێن گرنگ بهحسكربوون و دهێته چاڤهرێكرن ل كۆربهندا داڤۆس ژی كۆمببن.
تُتاح هذه الصورة أيضا في: کوردی