گاردیان: ھێرشا عەفرینێ دێ دوبارە نەخشەیێ رۆژھەلاتا ناڤین دارێژیت
WAAR-دهۆك:
رۆژنامەیەکا برتیانی ئاشکرا کر؛ ھێرشا سەربازی یا سوپایێ تورکیا ل سەر عەفرینێ ل رۆژئاڤایێ کوردستانێ، دێ دەڤەرێ وێران كه‌ت و نەخشەیێ رۆژھەلاتا ناڤین دوبارە دارێژیت.
رۆژنامەیا گاردیان یا بریتانی د راپۆرتەکێ دا ئاشکرا کر؛ ھەڤڕکیا ئەنقەرە و کوردێن رۆژئاڤایێ کوردستانێ دێ بیتە ئەگەرێ شۆرەشا کوردی یا مەزنتر، دێ دوبارە نەخشەیێ وان وەلاتان ژی دارێژیت یێن کورد لێ ھەین، وەکو سووریێ، ئیراقێ، ئیرانێ و تورکیا.
گاردیان ئاشکرا ژی کر، سوپایێ تورکیا یێ ژبەر کۆدەتایێ ھێشتا ل سەر پێ نەراوەستایه، نەشێت ل سەر ھێزێن کوردی ل عەفرینێ سەربکەڤیت و گۆت: شەرڤانێن کورد شارەزایەکا سەربازی یا باش د شەرێ دژی داعشێ دا وەرگرتییە و بتایبەت ل شەرێ کۆبانێ.
گاردیانێ گۆت ژی؛ ھێرشا ل سەر عەفرینێ دێ ھەستا نەتەوایەتی یا کوردی ل ده‌ڤ کوردێن پارچێن دی ڤەژینیت و بۆ شەرەکێ دژوارتر ھاندەت.
تُتاح هذه الصورة أيضا في: کوردی