ژ كەلەپۆرێ باب وكالا
ئلیاس نەعمو خەتاری
پشكا سێیێ
ئاڤاكرنا مالا و خانیان لدەمێ باب وكالا بڤی شێوەی بوو،ئێك پێكهاتیا خانیێن بەرێ،دوو چاوانیا بوركینا بەر وگێج وئاخێ،سێ چاوانیا ئاڤاكرنا خانیان،پێكهاتیا مالێ ژ دەرگەهێ مالێ ئانكو دەریێ كۆلانێ ژداری پێكدهات دوو دەرگەه بوون پێكڤە دهاتنە گرێدان ب كلیل وقەفلێن داری دگۆتنێ شیرك وسەردەری مەلبەنەك هەبوو رەخێن دەرگەهی دكەفتنێ دگۆتنێ سەرەدەری،دیسان ئاڤایەكە بچووك لدۆر ڤی دەرگەهی دهاتنە چێكرن دگۆتنێ دێلیز ئاڤا بارانێ و شووشتنا دبن دەرگەهانرا دەربازدبوو لبن بەرەكی تایبەت دگۆتنێ عبارە ئاڤای، دیسان دیلیز گەلەك جاران دهاتە بكارئینان بۆ روونشتنێ و رۆژبیریا، حەوشا ناڤ مالێ و خانیێ مەزن قەسر بەهرا پتر یا كەسێن دەولەمەندبوو وكەتخودابوو ئانكوو خودان پەز وملك وجۆتیاری ئەف قەسرە پێكاتبوو ژ ئاخوری بنیاتا سەرەتایا وێ قاعدە نیڤا وێ لبن ئەرد بوو ،وەكی بنداڤێ دگۆتنێ ئاخور پاشی ژۆرێن مالێ لسەر ئاڤا دكرن ل نیڤا مالێ لسەر لیوان هەبوو ل ئالیێ راستی و ئالایێ چەپی دوو ژۆر بوون،دەرجا سەر خانیێ دكەفتنێ لیوانێ دا دەمێ توو چۆبایا هوندری هەر ژۆرەكی ژڤان ژۆران دڤیا تە پێ خۆ لسەر دەرجكا ژۆرێ هاڤێتبا دباوەریا مە ئَێزدیان دا گونەهە مرۆڤ لنگێ خۆ دانێتە سەر دەرجكا هەر ژۆرەكێ.
دیسان لسەر بانێ ڤان خانیان دەمێ سەرداگرتی دكرن كونەكە ڤەكری دهێلان دگۆتنێ كولینە ئەڤە ژبۆ ئینانا خوارا گەنمی وجەهی بوو ژ سەر خانی بۆ ژۆر،دیسان ئاڤایەكە بچوك لسەر دەرجا خانی چێدكرن دگۆتنێ عۆلیك یا بەیتون ودرگەهەك لێددا ژبەر بارانێ وبارێ ئێمناهییا مالێ و لسەر خانی ئانكو لسەر بانی ب دیوارەكی ئێك متری سەربان دۆرددا دگۆتنێ حەوالە ئانكو سیاجێ بانی،لبن ڤێ حەوالێ هەتا بەر بانی ڤالاهیەك دكەفتنێ دگۆتنێ خشیفە،ژبەركو ئەڤ ئاڤاهینە ب شێوێ كفانی (البناو الزقوری) دهاتنە ئاڤاكرن دیسان لناڤ ژۆرا مالێ سوبایا داران دناڤ دیواری دا چێدكرن داكو ل وەرزێن سار بكاربینن، دیسان بەحس وگۆتنێن لسەر خانی و ومالێن بەرێ ئەڤە بوو پێزانینەك لسەر پێكهاتیا وان خانیێن گێج و بەری،لێ دیسان مالێن ئاخێ ب شێوێ بەرێ ئانكو ژ لبنان و هەریێ قورێ دهاتنە بكار ئینان وەكی خانێین زنجكی ئانكو هەر ئالیەك بسەر دیواری خۆدا خواربوو ژ نیڤەكا خانی یا بلندبوو ودهاتە خوار لبنی سڤاندبوون ئەڤەژی ژبەركو دا بەفر وباران لسەر خانی نەسەكنت ل وەرزێ زڤستانێ و بەهارێ ودا ئەوو خانی دلۆپان نەكت.
هەروەسا خانیێن راست هەبوو وخانی لسەر خانی دهاتنە ئاڤاكرن دوو قاتی قاتی سەرە دگۆتنێ بیلا،هەر دیسان ئاڤاكرنا جیان بۆ پیتڤیێن ناڤ مالێ بەردەوام بوو ژبۆ دەخل و دانی و ڤەحواندنا گیانەوەران وەك پەز و چێلا ومریشكا لناڤ ڤالاهیێن مالێ،بۆ نموونە قنك دهاتنە چێكرن بۆ مریشكا كۆتان چێدكرن بۆ پەزی كۆسك بۆ بەرخا وكاروكا خانی بۆ چێلا و گۆلكا ،هەروەسا هنەكا جیێن تایبەت ئامادەدكرن بۆ سیبەرێ كرنێ دگۆتنێ فیزلحە جیێن تایبەت هەبوون بۆ نان پاتنێ دگۆتنێ تەرونك ئانكو جیێ تەروونا نانی لێ دهاتە بكار ئینان جیێ ساركرنا ئاڤێ جیێ دەنكێ ئاڤێ لئ داتنان،دیسان ب هەری ولبنان سیبەرەك بۆ چێدكرن وجه دهاتنە چیكرن ژبۆ وان بۆ هەلگرتنا ماستی وپەنیری وتەزیكرنا فێقی و كەسكاتیا دن، ژبۆ رێڤەبرنا كارێ ناڤ مالێ ئێ رۆژانە.
تُتاح هذه الصورة أيضا في: کوردی