ڤێ جارێ ژی ژبلی وەلاتێ فەرەنسا هیچ وەلاتەك ل هاوارا كوردان نەهاتییە؟
خالدخدر 
لەشكەرێ تووركییا دگەل گرۆپێن تیرۆرستیێن سووری یێن سەرب تووكییا ڤە هێرشەكا دڕندانە برینە سەر دەڤەرا عەفرینێ ، ب بەهانەیا تیرۆرێ و بەریا نهۆ گرۆپێن تیرۆرستی یێن مینا داعش ب ئازادانە لسەر سنوورێ وێ هاتن وچوون دكرن و هیچ رۆژەكێ دلگران نەبوو بەلكو هاریكاریا وان دكر ،لدەمێ داعش هاتیە سووریا كارەساتەكا مەزن بوو كو تاوانێن مەزن ئەنجام دان ل دژی خەلكێ سڤیل وبێ گونەه و لدەمێ داعش هاتیە ژناڤبرن ئاریشا سووریا ب داوی نەهات بەلكو مەزنترلێهات جارەكا ژنوو هەڤركییان دەستپێكرڤە كو هەر هێزەكا هەی ل گۆرەپانا سووریا دیسا خۆ ئامادەكرەڤە رووسییا ژ ئالییەكی ڤە و ئیران ژئالییەكی ڤە و ئەمریكا ژ ئالییەكی دی ڤە و تووركییا ژ ئالییەكی دیتر ڤە هەر ئێك ژوان دڤێت هەبوونا خۆ ب سەلمینت لناڤ ڤێ هەڤركییا ل سووریا دا.
بەلێ ڤێ جارێ ژی گەلێ كورد ل سووریا بوویە قووربانییا ڤان هەڤكێشە و بەرژەوەندێن وەلاتێن زلهێز ب پیرۆزباهییا رووسیا و بێدەنگییا ئەمریكا لەشكەرێ تووركییا ب هێزا خۆ یا مەزن ڤە هێرشی سەر دەڤەرا عەفرینێ كرییە وناڤێ ڤێ هێرشێ كرینە (چقێ زەیتوونێ ) و ڤەكرنا عەفرینێ كاچاوا بەرێ ئەرەبا هەردەڤەرەكا داگیركربانە دگۆتن مە ڤەكر ئەها ئەردۆگان ژی نهۆ دبێژت ئەم دێ عەفرینێ ڤەكەین !،یا دیارە هەدارا ئەردۆگانی ب داوی هات ژبەر ڤێ دەستهەلاتا كوردان ل سووریا كو ئەڤە چەندین سالە پێكۆلا دكت و پیلانێ ل پێ پیلانێ دگێرت ل دژی كوردان بەلێ هەموو دبێ مفابوون كو ل دەستپێكێ گرۆپێن رادیكال و تووندڕەو چێكرن ل دژی كوردان وەك بەرەی نووسرە و داعش و ئەحرار ئەلشام، بەلێ ڤیان و خۆراگرییا كوردان مەزنتربوو ژ هەموو پیلانێن وان وكوردان كارین سەركەفتنێن مەزن تۆماركەن ل دژی وان گرۆپێن تیرۆرستی ب تایبەتی ل دژی چەكدارێن داعش و هەتا مەنبج ورەققا ژی ئازادكرن ژ داعش كو ناڤ ودەنگییا شەرڤان و پێشمەرگان هەموو سنوور دەربازكرن و بوونە هێمایێن قارەمانییێ و بەرخۆدانێ ل هەموو جیهانێ، بێ گۆمان چاڤێ دوژمنێت كوردان ب وان سەركەفتنا رانەبوون وئارییان ب تایبەتی تووركیاوئەڤ هێرشا لسەر عەفرینێ باشترین گرۆڤەنە لسەر دوژمنكاریا وان بۆ كوردان ،مخابنی دیسا ئەمریكا پشتا كوردان بەردا و خۆ بێدەنگ كر ژ ڤێ دوژمنكاریێ مینا جاران وەك بێدەنگییا وێ لسەر هێرشا حەشدا شەعبی و پاسدارێن ئیرانێ ل دژی هەرێما كوردستانێ و داگیركرنا كەركووك ودەڤەرێن دی ئەو هێرشا هەنێ لدووڤ راپۆرت و شرۆڤەكارێن رۆژنامەڤانی وسیاسی تێتە گۆتن كو هەموو پیلان و نەخشەكارییا دەولەتا تووركییا بوو كو هەر دوو پێكڤە دگرێداینە یا كەركووكێ و یا عەفرینێ ئانكو تووركیا پشتەڤانییا عێراقێ وئیرانێ كر بۆ داگیركرنا كەركووكێ داكو عەفرینێ وەرگرت ؟.
ڤێ جارێ ژی ژبلی وەلاتێ فەرەنسا هیچ وەلاتەك ل هاوارا كوردان نەهاتییە؟ كو لسەر داخوازییا فەرەنسا جڤاتا ئێمناهییا نێڤ دەولەتی كۆمبوونەك گرێدا بەلێ ب مخابنیڤە نكارین ب كۆدەنگی وێ هێرشا لسەر عەفرینێ ریسوا بكن،چنكو هەلویستێ وەلاتێن دی یێ نەرێنی بوو ژبلی فەرەنسا ،دیسا دیار بوو و ئەو گۆتنا دبێژت ژبلی چییا كوردان چ دۆست نینە هاتە سەلماندن ؟، ئانكو ل عەفرینێ رووسیا كوردێن رۆژئاڤا هێلانە بتنێ ول كەركووكێ ئەمریكا كوردێن باشوور هێلانە بتنێ ودەرفەت دانە هەردوو وەلاتێن دوژمنێت كوردان یێن دیرۆكی ئیران وتووركیا ب كەیف و حەزاخۆ یارییان ب چارەنڤیسێ كوردان بكن !!!.
تُتاح هذه الصورة أيضا في: کوردی