ئهڤ جوداهيه يێ د ناڤبهرا شيرێ دايكێ و قوديان دا ههيى
نوش نيوز:
شیرێ دایکێ مفایەکێ زۆر بۆ زارۆيان ھەیە و پتر ژ شیرێن دی مفایێ خوە ھەیە، لەورا پێدڤیە زارۆ ژ شیرێ دایکێ نەھێتە بێ بەھرکرن، چونکو پێدڤیەکا سەرەکیە د ژیێ زارۆيى دا.
د. سەرمەد زھێر نوعێمی تایبەتمەندێ نهخۆشيێن زارۆيان و نەخۆشییێن زارۆيان ددەتە دیارکرن کو شیرێ دایکێ مفایەکێ زۆر بۆ زارۆيى ھەیە. ل دەستپێکا ژیێ وی يێ بچووک ھەتا ژیێ 4 بۆ 6 ساليێ تەمام دبیت کو دڤی ژیی دا، پێدڤیەکا سەرەکیا زارۆيى یە.
ژ وان مفایێن شیرێ دایکێ بۆ زارۆيى:
یێ گەرم و پاقژ و گونجایە بۆ ھەموو دەما.
یێ گرنگە بۆ گەشەکرنا دهروونى ب رهنگهكێ باش، نورمالە بۆ زارۆيى.
گرنگە بۆ کێمبوونا رێژا نەخۆشیێن ھناڤ و ھەناسەکێشان و رێگریێ بۆ زارۆيى.
رێژا پرۆتین و کاربۆھێدراتان و دوھنی کو ئەڤ رێژە تێدا زێدەیە د گەل پێدڤیا زارۆيى و تەمەنێ وی.
پروتین د ناڤ دایە و ههسداريێ (حەساس)یێ بۆ زارۆيى دروست ناکەت.
مفايێن شيرێ دى:
رێژا پرۆتین و کاربوھێدراتا و دوھنیاتان ھەمبەری شیرێ دایکێ کێمترە و ھەر شیرەکێ رێژا خوه یا ھەيی بۆ پێدڤیا زارۆيى.
پرۆتینا شیرێ چێلێ کو ئەو ژی ههستداريێ (حەساس)یێ بۆ زاروکی دروست دکەت.
ددەتە دیارکرن ژى کو جوداهیا د ناڤبەرا شیرێ دایکێ و شیرێن دی بۆ زارۆيى دا ههيى، ھەتا ژیێ چار و شەش سالیێ، شیرێ دایکێ بۆ زارۆيى يێ گرنگە پشتی ڤی ژیی زارۆ پێدڤی ھندەک خوارنێن روونه، وەکو سوپ، ئاڤا برنجی و سوپا كهسكاتيێ و ل گەل شەربەتێن فێقيێ سروشتی کو ئەڤە ژی بهرنياسه ب قووناغێن دەستپێکرنا خوارنێ بۆ ب ھێزکرنا ھەستیێن زارۆيى کو ئەڤە ژی بۆ ماوێ دو سالان يا پێدڤیە بۆ زارۆيى.
تايبهتمهندێ نهخۆشيێن زارۆيان گۆت: “ل ھندەک کێشێن زارۆیێ دا گەلەک دایکان باوەری ب دانا شیرێ خوه بۆ زارۆيى نینە، بهلێ دانا شیرێ دایکێ قانوونا ئێكێ يه بۆ سەرکەفتنا شیردانا زارۆيى و ئەڤە ژی ب باوەریا دایکێ يه”.
زیانێن نەخوارنا شیرێ دایکێ بۆ زارۆيى:
زێدەبوونا رێژا نەخۆشی و ھناڤا بۆ زارۆيى.
زێدەبوونا نەخۆشیێن (ههستداريێ)حەساسیێ و پیستی و ھەناسەکێشانێ.
زێدەبوونا نەخۆشێن غودێ و شەکرێ.
تُتاح هذه الصورة أيضا في: کوردی