كوردێن ئێزدی جەژنا خدر لیاس پیرۆز دكن
باسنيوز:
زانایێ ئۆلا ئێزدیان ل پەرستگەها لالش دیار كر كو ئەڤرۆ 15/2/2018 كوردێن ئێزدی دەست ب گێرانا رێ ورەسمێن جەژنا خدر ئەلیاس كرن. داخازێ دكەین ئەڤ جەژنا ببیتە جەژنا خۆشی وپێكڤە ژیانێ ولیبۆرینا ئاینی ل هەموو جیهانێ.
بابە چاویش، زانایی ئۆلا ئێزدیان ل پەرستگەها لالش بۆ (باسنیوز) دیار كر: “جەژنا خدر ئەلیاس ئێكە ژ جەژنێن هەر كەڤنار دناڤ كوردێن ئێزدیدا. رێ ورەسمێن جەژنێ ئەڤرۆكە دهێنە گێران پشتی كوردێن ئێزدی سێ رۆژان برۆژی دبن رۆژا چارێ دبیتە جەژنا خدر ئلیاس. هەموو مالێن ئێزدیان دەخلۆدانێ دقەلینت دبیژنێ قەلانك. ل رۆژا دووڤدا قەلانكێ دكەنە پێخۆن وكابانێن مالان هندەك پێخۆینێ ب مالێن خوە دانن ب هیڤیێ خدر ئەلیاس نیشانەكێ لێكەت”.
خویا ژی كر: “ژبەر پیرۆزیا جەژنا خدر ئەلیاس ئێزدی ل جەژنێ نێچیرێ ناكەن وسەربر ناهێنە سەرژێكرن وئەڤ جەژنا ئێزدیان گرێدانەك ل وەرزێ چاندنێ و سروشتیڤە هەیە. پشتی كارەساتا شنگال تەباخا سالا 2014ێ كوردێن ئێزدی رێ ورەسمێن جەژنا ناكەن. ئەم داخازێ دكەین خۆشی ل جیهانێ هەموو دروست بیت و خەلكێ مە بزڤرنە سەر مالێن خوە دێ وێ وەختێ كەینە جەژن”.
تُتاح هذه الصورة أيضا في: کوردی